រឿងអាស្រូវរបស់កំពូតារាកំប្លែងដ៏ល្បីប្រចំាប្រទេស គឺនាយ ក្រឹម និងស្រីលាភ ត្រូវបានបព្ចាេញ
ដោយភរិយាដើមរបស់នាយក្រឹម។នាយ ក្រឹម និងស្រីលាភបានលួចលាក់ស្រលាញ់គ្នាជាច្រើនឆ្នាំ រហូតដល់មានកូនជាមួយគ្នា។
ដោយឡែក កាលពីថ្មីៗនេះ យោងតាមការចុះផ្សាយរបស់សារព័ត៌មានមួយ ក៏បានទម្លាយពីរឿងពិតផ្សេងមួយទៀត របស់នាយ ក្រឹម ដោយថា តារាកំប្លែងរូបនេះ ក្រៅពីមានស្នេហាលួចលាក់រហូតដល់មានកូន ជាមួយនឹង ស្រីលាភ ហើយកាលពីមុន នាយ ក្រឹម ក៏ធ្លាប់ធ្វើរឿងនេះម្តងរួចទៅហើយជាមួយនឹង តារាកំប្លែងស្រីរួមក្រុមមួយរូបទៀត។
ប៉ុន្តែកាលនោះ គ្រាន់តែដឹងថាតារាស្រីនោះផ្ទៃពោះភ្លាម នាយក្រឹម ក៏បានបញ្ឈប់នាងពីក្រុមកំប្លែងភ្លាមតែម្តង ថែមទាំងមិនព្រមទទួលស្គាល់កូនស្រី នៅក្នុងផ្ទៃនោះទៀតផង។
មិនថាយ៉ាងណា តារាកំប្លែងស្រីរូបនោះ ក៏ព្យាយាមតស៊ូក្រោកឈរចិញ្ចឹមកូនស្រីតែម្នាក់ឯង ទាំងដែលខ្លួនឯងគ្មានលុយទិញទឹកដោះគោឲ្យកូន ប៉ុន្តែនាងនៅតែពុះពារ ហើយនាងក៏មិនឲ្យកូនរបស់នាង ស្គាល់មុខឪពុករបស់គេជាដាច់ខាតថែមទៀតផង។
ដោយការអាណិតអាសូរ តារាកំប្លែងស្រីរូបនេះ ក៏ត្រូវបានអ្នកកំប្លែងមួយរូប ហៅចូលក្រុម រហូតដល់នាងមានជីវភាពធូរធារដល់បច្ចុប្បន្ននេះតែម្តង។
តើនេះជាការពិតមែនទេ ឬគ្រាន់តែពាក្យចចាមអារ៉ាម តែប៉ុណ្ណោះ? សង្ឃឹមថា នាយក្រឹម នឹងចេញបកស្រាយ ពីរឿងនេះឲ្យបានច្បាស់ ដើម្បីឲ្យមហាជនអស់ចម្ងល់៕
