មុនចេញជាលទ្ធផលនេះ ក្រុមអ្នកស្រាវជ្រាវរបស់អាមេរិក បានធ្វើការត្រួតពិនិត្យទៅលើមនុស្សជាង ១៥០០នាក់ រយៈពេល ២២ឆ្នាំ។ ពួកគេបានរកឃើញថា អ្នកដែលមានបញ្ហាដង្ហើមពេលគេង (គេងស្រមុក) មានអត្រាដល់ទៅ ៤,៨ដង លើសអ្នកដែលមិនគេងស្រមុក ក្នុងការប្រឈមមុខនឹងជំងឺមហារីក។
គួរបញ្ជាក់ផងដែរថា ការស្រមុក គឺកើតឡើងដោយសារផ្លូវដង្ហើមជួបបញ្ហាកំឡុងពេលដកដង្ហើម ដែលធ្វើឲ្យអ្នកដែលកំពុងគេងលក់ ត្រូវព្យាយាមដកដង្ហើម។
ការស្រមុកនេះ ក៏ទាក់ទងទៅនឹងបញ្ហាសុខភាពផ្សេងទៀតផងដែរ ដូចជាការធាត់លើសទម្ងន់ ជំងឺទឹកនោមផ្អែម ជំងឺលើសឈាម ជំងឺគាំងបេះដូង និងជំងឺដាច់សរសៃឈាមក្នុងខួរក្បាលជាដើម៕
វិធីលឿនបំផុត៤ យ៉ាងដើម្បីបញ្ឈប់ការគេងស្រមុក៖
- បន្ថយទម្ងន់របស់អ្នក៖ នៅក្នុងការសិក្សាបានបង្ហាញថា ៥០% នៃមនុស្សលើសទម្ងន់ តែងតែមានបញ្ហាគេងស្រមុក ជាងមនុស្សដែលមានទម្ងន់ធម្មតា។
- លះបង់ចោលទម្លាប់អាក្រក់ពីរ គឺផឹកគ្រឿងស្រវឹង និងជក់បារី៖ ការជក់បារីនិង គ្រឿងស្រវឹងធ្វើឲ្យរំខានដល់ប្រព័ន្ធខ្យល់ចេញចូលក្នុងច្រមុះរបស់អ្នក ធ្វើឲ្យថយចុះចរន្តខ្យល់ បណ្ដាលឲ្យពិបាកក្នុងការដកដង្ហើមតាមច្រមុះ។
- កុំគេងផ្ងារ៖ គេងផ្ងារអាចជំរុញឲ្យអ្នកបង្កើនឱកាសគេងស្រមុកនៅពេលយប់។ ការគេងបែបនេះធ្វើឲ្យផ្លូវដង្ហើមរបស់អ្នកមិនសូវមានស្ថិរភាព និងងាយស្រួលធ្លាក់ចុះ។
- បញ្ចេញសំឡេងខ្លាំងឲ្យបានញឹកញាប់៖ បញ្ចេញសំឡេងខ្លាំងក្នុងន័យស្រែកច្រៀង លេងកម្សាន្ត ឲ្យបានញឹកញាប់អាចជួយអ្នកកាត់បន្ថយការគេងស្រមុក របស់អ្នកជាងអ្នកដែលបិទមាត់មិនបញ្ចេញសំឡេងអ្វីសោះ។
**វិធីព្យាបាល៖**
- គ្រឿងផ្សំ៖
- ខ្ញីស្រស់ ១ដុំ
- ផ្លែប៉ោម ២ផ្លែ
- ការ៉ុត ២ មើមតូច
- ក្រូចឆ្មារ ១/ ៤ផ្លែ (លើសពីនេះក៏បានតាមចំណង់ចំណូលចិត្ត)។
2. វិធីធ្វើ៖
- ក្រឡុកគ្រឿងផ្សំទាំងអស់នេះ នៅក្នុងម៉ាស៊ីនក្រឡុកឱ្យម៉ដ្ឋល្អ។
3. វិធីប្រើ៖
- ពិសា ២ម៉ោងមុនពេលចូលគេង រៀងរាល់ថ្ងៃ។
- ខ្ញុំបាទសូមចែកជូនវិធីព្យាបាលនេះ សម្រាប់ជាព័ត៌មាន និងជាចំណេះដឹងសូមពិនិត្យ និងពិគ្រោះយោបល់ជា មួយវេជ្ជបណ្ឌិត ឬគ្រូពេទ្រជំនាញឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងបាន នៅពេលដែលមិនមានជម្រើសផ្សេង។
