មន្ត្រីថៃរកឃើញវត្ថុបុរាណខ្មែរយ៉ាងច្រើនធ្វើអំពីមាស នៅបាតព្រះចេតិយវត្តបុរាណក្នុងខេត្តអយុធ្យាអតីតទឹកដីខ្មែរ

រវាងពុទ្ធសករាជ ២៤៩៩-២៥០១ នាយកដ្ឋានវិចិត្រសិល្បៈថៃបានរកឃើញនៅបាតប្រាង្គនៃព្រះចេតិយ វត្តរាជាបុរាណ នៅខេត្តអយុធ្យាគេបានរកឃើញ នូវវត្ថុបុរាណជាច្រើន ដែលមានសម័យកាលខុសៗគ្នានិងមានតម្លៃឥតគណនា។

បុរាណវត្ថុទាំងនោះ រួមមានគ្រឿងអលង្កាស្តេច គ្រឿងក្សត្រថៃអយុធ្យា ចម្លាក់តំណាងព្រះពុទ្ធអង្គធ្វើអំពីមាសដាំត្បូង ព្រះបដិមាពុម្ព ព្រះសិរីរឹកធាតុ៘ ក្នុងចំណោមបុរាណវត្ថុដ៏ល្អប្រណិតទាំងនោះ ដែលសព្វថ្ងៃតម្កល់នៅសារមន្ទីរចៅសាមប្រ៉ាយា នៅខេត្តអយុធ្យា យើងច្រើនមានបុរាណវត្ថុមួយចំនួនដែលមានលក្ខណៈជាសិល្បៈខ្មែរ ព្រោះត្រូវបានផលិតឡើងមុនការកាន់កាប់ខេត្តនេះ ដោយព្រះមហាក្សត្រថៃទៅទៀត ។