មូលហេតុដែលធ្វើឱ្យបុគ្គលិក Jack Ma ទទួលជោគជ័យក្លាយជាសេដ្ឋីដូច Jack Ma ដែរ

Alibaba គឺជាក្រុមហ៊ុនទិញ-លក់ផលិតផលអនឡាញដ៏ធំជាងគេបំផុតនៅក្នុងប្រទេសចិន និងកំពុងល្បីល្បាញនៅលើ ពិភពលោក ដែលដឹកនាំដោយមហាសេដ្ឋីលំដាប់ពិភពលោក Jack MA ដោយផ្តើមចេញពីមិត្តភក្តិប្រមាណ ១៧នាក់ នៅក្នុង ផ្ទះល្វែងដ៏តូចមួយរបស់គាត់។
ក្នុងរយៈពេលជិត ២០ឆ្នាំមកនេះ Jack Ma បានកែប្រែប្រវត្តិសាស្ត្រនៃការប្រើប្រាស់ប្រព័ន្ធអ៊ីនធើណេតនៅក្នុងប្រទេសចិន ឱ្យមានការរីកចម្រើនជឿនលឿន និងរួមចំណែកជួយដល់សហគ្រាសខ្នាតតូច និងមធ្យម ឱ្យកាន់តែរីកចម្រើនធំធាត់ជា លំដាប់។

Jack Ma បានប្រើប្រាស់យុទ្ធសាស្ត្រដឹកនាំដ៏អស្ចារ្យមួយ ដែលអាចធ្វើឱ្យបុគ្គលិកធ្វើការងារអស់ពីកម្លាំងកាយចិត្ត និង ទទួលបានប្រាក់វិនិយោគពីពួកគាត់ថែមទៀតផង។ លោកបានណែនាំឱ្យពួកគេយល់ពីចង្ខុកវិស័យវែងឆ្ងាយរបស់លោក និងជម្រុញឱ្យពួកចូលរួមគ្នាធ្វើ ដើម្បីទទួលបានជោគជ័យរួមគ្នា ដោយឱ្យពួកគាត់អាចចូលរួមធ្វើជាម្ចាស់ភាគហ៊ុន Alibaba ទាំងអស់គ្នា ដែលជាហេតុធ្វើឱ្យពួកគាត់ប្រឹងប្រែងធ្វើការងារដើម្បីផលប្រយោជន៍ខ្លួនឯងផង និងដើម្បីសង្គមជាតិផង។
មហាសេដ្ឋីមាឌល្អិតរូបនេះបានមានប្រសាសន៍ឱ្យដឹងថា៖ រូបលោកបានដឹងថាក្រុមហ៊ុននេះពិតជាអាចទទួលបានជោគជ័យ គឺនៅពេលដែលលោក និងក្រុមការងារត្រូវបានអតិថិជនរបស់លោក ប៉ាវញ៉ាំអាហារនៅភោជនីយដ្ឋានមួយ ដោយពួកគាត់ បាននិយាយថា “អាជីវកម្មខ្ញុំរីកចម្រើន ខ្ញុំអាចរកលុយបានច្រើនជាងមុន ខ្ញុំប៉ាវអ្នកញ៉ាំអាហារដោយសារតែខ្ញុំដឹងថាអ្នកមិន ទទួលបានប្រាក់ចំណូលច្រើនទេ។”
ក្រោយពីការប្រឹងប្រែខិតខំទាំងអស់គ្នាទាំងមេដឹកនាំ និងក្រុមការងារ បានធ្វើឱ្យក្រុមហ៊ុនមួយនេះចេះតែរីកចម្រើនជាលំដាប់ រហូតអាចវាយបំបាក់ក្រុមហ៊ុនយក្ស Amazon.com និង eBay ចេញពីប្រទេសចិនបាន។
បច្ចុប្បន្ន Jack Ma បានក្លាយខ្លួនជាសេដ្ឋីពាន់លានដុល្លារអាមេរិក លំដាប់លេខ២នៅក្នុងប្រទេសចិន។ រីឯក្រុមការងាររបស់លោក ក៏បានក្លាយខ្លួនជាសេដ្ឋី និងជាមិត្តដ៏ស្និតស្នាលរបស់លោកផងដែរ។
លោកបានមានប្រសាសន៍ថា៖ លោកបានមានប្រសាសន៍ថា៖ បើខ្ញុំជោគជ័យ មនុស្ស៨០ភាគរយទៀតក៏អាចនឹងជោគជ័យ ដែរ ព្រោះខ្ញុំគ្រាន់តែជាមនុស្ស ធម្មតា គ្រាន់តែខ្ញុំចាប់ផ្តើមដើរមុនអ្នកបន្តិចប៉ុណ្ណោះ។