អាជីវកម្មលក់តែជ្រក់ រកចំណូលបានប្រមាណ ៣ពាន់ដុល្លារក្នុងមួយខែ

មនុស្សជាច្រើនប្រហែលពិបាកនឹងជឿថា គ្រាន់តែលក់តែជ្រក់ ដែលជាអាជីវកម្មខ្នាតតូចមួយប៉ុណ្ណោះ ហេតុអ្វីអាចរក ចំណូលបានដល់ទៅជាង ៣ពាន់ដុល្លារអាមេរិក? វាពិតជាពិបាកជឿមែន តែវាជាការពិត។
តាមការឱ្យដឹងពីម្ចាស់អាជីវកម្មនេះបានមានប្រសាសន៍ថា៖ ជាធម្មតា គាត់លក់តែជ្រក់កែវតូចបានប្រមាណជិត ២០០កែវ ក្នុងមួយថ្ងៃ ដោយលក់ក្នុងតម្លៃ ១,៥០០រៀលក្នុងមួយកែវ ហើយកែវធំវិញ គាត់អាចលក់បានជាមធ្យម៥០កែវក្នុងមួយថ្ងៃ ដែលមានតម្លៃ ២,៥០០រៀលក្នុងមួយកែវ។

ជាងនេះទៅទៀត អ៊ុំស្រីក៏មានដាក់លក់បន្ថែមទៀតនូវ កាហ្វេ និងភេសជ្ជៈកប៉ុងមួយចំនួនទៀតផងដែរ ដើម្បីបំពេញតាម សេចក្តីត្រូវការរបស់អតិថិជន ដែលមានទីតាំងស្ថិតនៅក្បែរនឹងផ្សារដើមគ។
ជាទូទៅ មានមនុស្សទៅតម្រង់ជួរគ្នារងចាំទិញតែជ្រក់របស់គាត់ពី ២ ទៅ ៤នាក់ជាប្រចាំ ហើយអតិថិជនដែលទៅទិញ តែជ្រក់ពីគាត់យកទៅទទួលទៀន ដោយសារតែ តែជ្រក់នោះមានរស់ជាតិឆ្ងាញ់ មានអនាម័យ និងមានតម្លៃសមរម្យ។
តាមការទូទាត់ គាត់អាចរកចំណូលបានប្រមាណ ៣ពាន់ដុល្លារអាមេរិកក្នុងមួយខែ ហើយក្រោយពីផាត់ថ្លៃដើមរួច គាត់អាច ចំណេញបានជាងពាក់កណ្តាល ដោយសារតែដើមទុនដែលចំណាយលើអាជីវកម្មនេះគឺចំណាយអស់តិចមែនទែន។