ខ្ញុំបានស្គាល់នារីម្នាក់ដែលនាងជាអ្នករស់នៅស្រុកជនបទ យើងជាសង្សានឹងគ្នា ខ្ញុំបានស្គាល់គ្នាជាងមួយឆ្នាំ ពួកយើងស្រលាញ់គ្នាណាស់ យើងតែងតែដើរលេងជាមួយគ្នា និងស្និទ្ធស្នាលជាទីបំផុត គ្រប់គ្នាតែងតែនិយាយថាពួកយើងសមនឹងគ្នាណាស់ ។ខ្ញុំគិតថានាងនេះហើយជាមនុស្សដែលខ្ញុំចង់រៀបការជាមួយហើយរស់នៅជាមួយរហូតដល់ថ្ងៃអណាគត។
ថ្ងៃមួយខ្ញុំបានប្រាប់ពីរឿងនេះទៅដល់ម៉ាក់របស់ខ្ញុំ ម៉ាក់ខ្ញុំនិយាយថា “សង្សាខ្ញុំនាងមិន ល្អ គ្រួសារនាងជាអ្នកស្រុកស្រែជនបទ ក្រីក្រ មិនសាកសមជាកូនប្រសាគាត់ឡើយ គាត់ប្រាប់អោយខ្ញុំបោះបង់នាងចោល ហើយទៅរៀបការជាមួយកូនស្រីអ្នកទីក្រុងម្នាក់ គាត់ថាគ្រួសាគេថ្លៃថ្នូរ ហើយមានទ្រព្យសម្បត្តិទៀត ទើបសាកសមជាកូនប្រសាគាត់។”
ខ្ញុំមិនដឹងធ្វើយ៉ាងណា មានតែតាមម៉ាក់ ផ្ដាច់ទំនាក់ទំនងជាមួយមនុស្សដែលខ្ញុំស្រលាញ់ ស្របតាមបំណងម៉ាក់។ ខ្ញុំបានណាត់នាងហូបបាយហើយនិយាយបែកគ្នាជាមួយនាង នាងយំខ្លាំងណាស់ នាងសូមអង្វខ្ញុំ កុំអោយបែកគ្នា ខ្ញុំក៏ដឹងថានាងស្រលាញ់ខ្ញុំខ្លាំងណាស់ដែរ និយាយពាក្យសុំបែកចំពោះនាង គឺដូចរុញនាងទៅធ្លាក់នរកអញ្ចឹង។ខ្ញុំសង្ឃឹមថា នាងនឹងឆាប់ឈប់ខូចិត្ត ហើយជួបនឹងប្រុសល្អម្នាក់។
ក្រោយពីផ្ដាច់ទំនាក់ទំនងជាមួយនឹងសង្សា ខ្ញុំបានរៀបការនឹងកូនស្រីគេអ្នកមានម្នាក់ដែលខ្ញុំមិនបានស្រលាញ់ទាល់តែសោះ ខ្ញុំធ្វើបែបនេះពីព្រោះតែដើម្បីបំពេញបំណងរបស់ម៉ាក់ខ្ញុំ។
8 ឆ្នាំកន្លងផុតទៅ….តាំងពីររៀបការណ៍រួចមកខ្ញុំមិនដែលមានសុភមង្គលទាល់តែសោះ នាងតែងធ្វើបាបខ្ញុំ ពេលនេះយើងមានកូនពីរហើយ នាងមិនដែលធ្វើខ្លួនជាប្រពន្ធល្អម្នាក់ឡើយ នាងវក់នឹងល្បែង ដើរចោលកូនចោលប្ដីរាល់ថ្ងៃ ពេលនាងត្រលប់មកផ្ទះវិញ ខ្ញុំនិយាយថាអោយនាងបន្តិចមិនបានទាល់តែសោះបងប្អូនគ្រួសារនាងកាន់ជើងនាងណាស់នាងត្រូវរហូត ខ្ញុំជាប្ដីខុសរហូត ទ្រូងខ្ញុំស្ទើប្រេះ។
ខ្ញុំសែនខ្លោចចិត្តអាណិតកូនទាំងពីរកើតមកគ្នាមិនដែលស្គាល់សុភមង្គល បើកភ្នែកពេលណាឃើញតែប៉ាម៉ាក់ឈ្លោះគ្នា។ខ្ញុំសែនស្ដាយ យកប្រពន្ធខុស ជាតិនេះខុសអស់ គ្មានពាក្យនិយាយ
ចងការប្រាក់គេ ដីស្រែក៏លក់អស់ ដោយសារយកប្រពន្ធខុស លក់អស់ពីខ្លួនគ្មានសល់។
ចងការប្រាក់គេ ដីស្រែក៏លក់អស់ ដោយសារយកប្រពន្ធខុស លក់អស់ពីខ្លួនគ្មានសល់។
ថ្ងៃមួយ ខ្ញុំបានជួបសង្សាចាស់ ខ្ញុំសប្បាយចិត្តណាស់ នាងបានទិញផ្ទះថ្មីនៅក្បែផ្ទះខ្ញុំដែរ ខ្ញុំក៏ដើរទៅដើម្បីរាក់ទាក់នាង ខ្ញុំសួរសុខទុក្ខនាង រំពេចនោះ មានបុរសម្នាក់កាន់ដៃក្មេងម្នាក់ដើរមកជិតនាង នាងក៏បានប្រាប់ខ្ញុំថា នេះជាប្ដីនិងកូនរបស់នាង ។ខ្ញុំលឺបែបនេះហើយ ធ្វើអោយទឹកមុខខ្ញុំបែជាស្រពោន ខ្ញុំស្វាគមន៍ទៅប្ដីរបស់នាង ខ្ញុំមើលពួកគេទៅពិតជាមានសុភមង្គលណាស់ មិនដូចគ្រួសារខ្ញុំទេ។
បើសិនជាអាច ពេលវេលាអាចត្រលប់ថយក្រោយ ខ្ញុំនឹងមិនបោះបង់នាងទេ ខ្ញុំនឹងរៀបការជាាមួយនាង ខ្ញុំធ្វើតាមបេះដូងរបស់ខ្ញុំ ។ លុយកាក់ មាសប្រាក់ ផ្ទះវីឡាមិនសំខាន់ទេ របស់នេះយើងអាចរកវាបាន ប៉ុន្តែពិបាករកណាស់ប្រពន្ធល្អម្នាក់ហើយស្រលាញ់យើងស្មោះ ។
ខ្ញុំសង្ឃឹមថា អ្នកទាំងអស់គ្នាមិនបានសំរេចចិត្តខុសដូចជារូបខ្ញុំ។
ប្រភព៖tv2fb.net
