ជំហរ ចុងក្រោយ...! កូរ៉េខាងជើង សុំអន្តរាគមន៍ពី សម្តេច ហ៊ុន សែន ដេីម្បីដោះស្រាយបញ្ហានៅទ្វីបកូរ៉េ ជួយស៊ែ សូមតាមដានព័ត៌មានអន្តរជាតិបន្ត (សូមអាន)

“កម្ពុជាជាសមាជិកដ៏សំខាន់របស់អាស៊ាន និងបានដើរតួនាទីការទូតយ៉ាងសំខាន់។ កូរ៉េខាងជើងនិងកម្ពុជាមានទំនាក់ទំនងយ៉ាងល្អ ហើយប្រទេសទាំងពីរបានគាំទ្រគ្នាទៅវិញទៅមកតាំងពីអតីតកាល។” នេះបើយោងតាមលោក Jang Yun Gonឯកអគ្គរដ្ឋទូតកូរ៉េខាងជើងប្រចាំកម្ពុជា បាននិយាយនៅក្នុងការផ្តល់កិច្ចសម្ភាសន៍ផ្តាច់មុខ ជាមួយកាសែត Khmer Times នៅថ្ងៃសុក្រសប្តាហ៍មុន។

ឯកអគ្គរដ្ឋទូតកូរ៉េខាងជើងបានលើកឡើងបន្ថែមថា “ខ្ញុំជឿជាក់ថាកម្ពុជា នឹងយល់ពីភាពតានតឹងនៅឧបទ្វីបកូរ៉េនាពេលបច្ចុប្បន្ន ហើយបង្ហាញសាមគ្គីភាព ដោយគ្រាន់តែជួយស្វែងរកដំណោះស្រាយការទូត ដើម្បីរក្សាស្ថិរភាពនិងសន្តិភាពនៅក្នុងប្រទេសរបស់យើង។” លោក Jang Yun Gonថា “ សម្តេច ហ៊ុន សែន នាយករដ្ឋមន្ត្រីកម្ពុជាបានយល់ច្បាស់ អំពីបញ្ហានៅឧបទ្វីបកូរ៉េ។”

លោកថា“នាយករដ្ឋមន្ត្រីកម្ពុជា បានស្នើក្រុមប្រឹក្សាសន្តិសុខអង្គការសហប្រជាជាតិ អនុម័តដំណោះស្រាយ សម្រាប់សន្តិសុខនៅឧបទ្វីបកូរ៉េ ហើយភាគីពាក់ព័ន្ធទាំងអស់ គួរដោះស្រាយបញ្ហាដោយសន្តិវិធី។” ឯកអគ្គរដ្ឋទូតកូរ៉េខាងជើងរូបនេះ បានបញ្ជាក់បន្ថែមទៀតថា “យើងផ្តល់តម្លៃនៃទំនាក់ទំនងជាមួយប្រទេសកម្ពុជា ហើយយើងចង់រក្សា និងពង្រឹងទំនាក់ទំនងដែលមានស្រាប់នេះ។ ទំនាក់ទំនងនេះ ត្រូវបានផ្អែកលើផលប្រយោជន៍ប្រជាជន និងប្រទេសទាំងពីរ។”

យ៉ាងណាក៏ដោយ ពាក់ព័ន្ធនឹងបញ្ហានេះ មិនទាន់មានការឆ្លើយតប ពីក្រសួងការបរទេសកម្ពុជានៅឡើយទេ នៅថ្ងៃទី១ខែឧសភានេះ។

ការគំរាមកំហែងសន្តិសុខនៅឧបទ្វីបកូរ៉េនេះ បានបង្កការព្រួយបារម្ភសុវត្ថិភាពពលរដ្ឋកម្ពុជា ដែលបម្រើការងារនៅប្រទេសកូរ៉េខាងត្បូងផងដែរ ។ ប៉ុន្តែសម្តេច ហ៊ុន សែន កាលពីថ្ងៃទី២០ខែមេសា បានផ្ញើសារទៅកាន់ពលករខ្មែរ ព្រមទាំងក្រុមគ្រួសារកុំឲ្យមានការព្រួយបារម្ភ ពីព្រោះសង្គ្រាមនឹងមិនអាចកើតឡើងឡើយ ។ ដូច្នេះ គ្មានហេតុផល ដែលកម្ពុជាត្រូវជម្លៀសពលករខ្មែរចំនួនជាង៤ម៉ឺននាក់ ដែលកំពុងបម្រើការងារនៅកូរ៉េខាងត្បូងនោះដែរ ហើយម្យ៉ាងទៀត កូរ៉េខាងត្បូងក៏មិនបានជម្លៀសពលរដ្ឋរបស់គេចេញដូចគ្នាដែរ។

ភាពតានតឹងនៅឧបទ្វីបកូរ៉េ បានកើនឡើងកាន់តែខ្លាំង ក្រោយកូរ៉េខាងជើងធ្វើតេស្តមីស៊ីលបន្តបន្ទាប់។ ការធ្វើតេស្តនេះ ស្របពេលអាមេរិកបានបញ្ជូននាវាផ្ទុកយន្តហោះចម្បាំង ទៅកាន់ឧបទ្វីបកូរ៉េ រួមនឹងការបំពាក់ប្រព័ន្ធការពារមីស៊ីលនៅកូរ៉េខាងត្បូង ដើម្បីការពារការគំរាមកំហែងនុយក្លេអ៊ែររបស់កូរ៉េខាងជើង។

គួរជម្រាបជូនដែរថា មុនស្វែងរកការជួយអន្តរាគមន៍បន្ថែមពីកម្ពុជានេះ កូរ៉េខាងជើងក៏បានផ្ញើលិខិតផ្លូវការ ទៅកាន់អាស៊ានផងដែរ ដើម្បីស្វែងរកជំនួយការទូតពីមេដឹកនាំប្រទេសសមាជិកអាស៊ាន១០ប្រទេស៕