សម្តេចក្រុមព្រះនឹងយាងទៅជួប គីម ជុងអ៊ុន ដើម្បីបញ្ជប់ភាពតានតឹងកូរ៉េខាងជើង និងអាមេរិក ជួយស៊ែ តាមដានព័ត៍មានបន្ត (សូមអាន)

ភ្នំពេញ ៖ ព្រះប្រធានគណបក្សហ្វ៊ុនស៊ិនប៉ិច សម្តេចក្រុមព្រះនរោត្តម រណប្ញទ្ឋិ នឹងយាងទៅកាន់ទីក្រុងព្យុងយ៉ាង សាធារណរដ្ឋប្រជាធិបតេយ្យប្រជាមានិតកូរ៉េ ប្រទេសកូរ៉េខាងជើង នៅខែកក្កដា ឆ្នាំ២០១៧ ខាងមុខនេះ តាមការអញ្ជើញរបស់មេដឹកនាំកូរ៉េខាងជើង គីម ជុងអ៊ុន នេះបើតាមព្រះបន្ទូលប្រាប់ដល់ក្រុមអ្នកសារព័ត៌មាន សារជាថ្មីម្តងទៀត នៅក្នុងបួងសួងនិងសច្ចាប្រណិធាន នៅព្រះបរមរាជវាំង នាព្រឹកថ្ងៃទី១១ ឧសភា ២០១៧ នេះ ។

សូមរំលឹកថា សម្តេចក្រុមព្រះធ្លាប់មានបន្ទូលខាងលើបែបនេះ ធ្វើឡើងនៅក្រោយជំនួបរវាងព្រះអង្គជាមួយប្រេសិតពិសេសរបស់លោក គីម ជុងអ៊ុន គឺលោក Ma Chol Su តំណាងអោយបក្សពលករកូរ៉េ នៅរាជធានីភ្នំពេញ កាលពីរសៀលថ្ងៃទី៦ មេសា ។

បើតាមអតីតនាយករដ្ឋមន្ត្រីទី១ កាលពីអាណត្តិទី១ និងជាអតីតប្រធានរដ្ឋសភា បានមានព្រះបន្ទូលអោយដឹងបន្តថា ដំណើរទស្សនកិច្ចរបស់ព្រះអង្គទៅកាន់កូរ៉េខាងជើងនាពេលខាងមុខ គឺធ្វើឡើងដើម្បីពង្រឹង និងពង្រីកថែមទៀត នូវទំនាក់ទំនងរវាងប្រទេសទាំងពីរ ពិសេសរវាងគណបក្សពលករកូរ៉េ ដែលមានលោក គីម ជុងអ៊ុន ជាប្រធាន និងគណបក្ស រាជានិយម ហ្វ៊ុនស៊ិនប៉ិច ដែលមានព្រះអង្គជាព្រះប្រធាន ទោះបីស្ថានការណ៍នៅឧបទ្វីបកូរ៉េ ។

បញ្ហាឧបទ្វីបកូរ៉េ បានក្លាយទៅជាបញ្ហាដ៏ក្តៅគគុកមួយនៅលើពិភពលោក ទាក់ទងនឹងបញ្ហានៅឧបទ្វីកូរ៉េនេះ សម្តេចក្រុមព្រះ នរោត្តម រណឫទ្ធិ បានមានព្រះបន្ទូលថា បញ្ហានេះគួរទុកឱ្យប្រទេសមហាអំណាច ជាអ្នកសម្របសម្រួលទៅចុះ ប៉ុន្តែប្រសិនបើប្រទេសមហាអំណាចសម្របសម្រួលមិនបាននោះ សម្តេចដែលជាមិត្តរបស់កូរ៉េខាងជើង នឹងបញ្ចុះបញ្ចូលរដ្ឋាភិបាលកូរ៉េខាងជើង គួរធ្វើយ៉ាងណាកុំឱ្យមានសង្គ្រាម ។

សូមបញ្ជាក់ថា ទំនាក់ទំនងរវាងខ្មែរ និងកូរ៉េខាងជើងបានចាប់បដិសន្ឋិអំឡុងឆ្នាំ១៩៦៥ ក្រោយជំនួបរវាងព្រះបរមរតនកោដ្ឋ(សម្តេចឪនរោត្តមសីហនុ) និងសពលោក គីម អ៊ីលស៊ុង ត្រូវជាជីតាមេដឹកនាំវ័យក្មេងកូរ៉េខាងជើង គីម ជុងអ៊ុន នៅទីក្រុងហ្សាកាតា ប្រទេសឥណ្ឌូនេស៊ី ហើយមេដឹកនាំកូរ៉េខាងជើង លោកមហាសេនាប្រមុខ គីម ជុងអ៊ីល ដែលបានទទួលមរណភាពកាលពីថ្ងៃទី០៨ ខែកក្កដា ឆ្នាំ១៩៩៤ ក៍បានសង់ព្រះរាជដំណាក់មួយជូនសម្តេចព្រះនរោត្តមសីហនុ ដើម្បីគង់ប្រថាប់នៅក្នុងប្រទេសកូរ៉េខាងជើង បន្ទាប់ពីព្រះអង្គត្រូវបានលោកសេនាប្រមុខ លន់ នល់ ធ្វើរដ្ឋប្រហារទម្លាក់កាលពីថ្ងៃទី១៨ ខែមីនា ឆ្នាំ១៩៧០ ៕