អ្នកប្រដាល់រហស្សនាមនាគខ្មៅ ឃីម ឌីម៉ា ចែករំលែកបទពិសោធមួយចំនួនក្នុងវិស័យគុនខ្មែរដែលធ្វើឲ្យរូបគេមានឈ្មោះល្បីល្បាញខ្លាំងនាពេលបច្ចុប្បន្ននេះ ហើយដែរស្ទើរតែគ្មានដៃគូណាអាចយកឈ្នះលើគេបានឡើយ។
កីឡាករ ឃីម ឌីម៉ា
កីឡាករ ឃីម ឌីម៉ា បានឲ្យដឹងថា អ្វីដែលខ្លួនខំប្រឹងកន្លងមកនិងទទួលបានភាពល្បីរន្ទឺមកដល់ពេលបច្ចុប្បន្ននោះ គឺការតាំងចិត្តខ្ពស់។ កាលណាមានការតាំងចិត្តខ្ពស់ ខំប្រឹងប្រែងនិងព្យាយាមហើយព្យាយាមទៀត នោះសមត្ថភាពនឹងកើនឡើងទៅតាមនេះដែរ។ និយាយជារួមមិនងាយបោះបង់នៅពេលដែលខ្លួនជួបឧបសគ្គ និងត្រូវតែតស៊ូបន្តទៀត។
កីឡាករ ឃីម ឌីម៉ា
ម្ចាស់ខ្សែក្រវាត់ស្រាបៀកម្ពុជាទម្ងន់ ៦៣.៥ គីឡូក្រាមរូបនេះ ប្រាប់ទៅដល់កីឡាករស្រករក្រោយ មិនឲ្យគិតថាគេខ្លាំង ខ្លួនឯងខ្សោយហើយអត់ខំប្រឹងប្រែងហាត់នោះទេ ត្រូវរៀនធ្វើតាមគេហេតុអ្វីគេល្បីហើយធ្វើដូចម្ដេច យូរៗទៅនឹងល្បីឈ្មោះដូចកីឡាករដទៃអញ្ចឹងដែរ។
កីឡាករ ឃីម ឌីម៉ា ជាកូនប្រុសរបស់លោកគ្រូ ហេង ប៊ុនឃីម អ្នកខេត្តបន្ទាយមានជ័យ។ អ្នកលេងកែងរូបនេះក៏ជាម្ចាស់ខ្សែក្រវាត់ស្រាបៀកម្ពុជារបស់សង្វៀនអាស៊ីអាគ្នេយ៍ ហើយបច្ចុប្បន្ននេះកំពុងប្រកួតជម្រុះខ្សែក្រវាត់នៅសង្វៀន CNC ផងដែរ៕
ប្រភព៖http://news.sabay.com.kh/article/929179#utm_campaign=onpage
ប្រភព៖http://news.sabay.com.kh/article/929179#utm_campaign=onpage
