នារសៀលថ្ងៃទី ១២ ឧសភា ឆ្នាំ២០១៧ នេះសពភរិយារបស់តារាកំប្លែងជើងចាស់ នាយ ហុងដា ត្រូវបានតម្កល់ធ្វើបុណ្យនៅវត្តទួលសង្កែ ក្នុងខណ្ឌឫស្សីកែវ ខណៈពេលដែលភ្ញៀវសិល្បៈករ សិល្បៈការនី និងមហាជនជាច្រើនរូបទៀតបានចូលរួមរំលែកទុក្ខ យ៉ាងច្រើនកុះករ។ អ្វីដែលគេរន្ធត់ចិត្តស្ទើរស្រក់ទឹកភ្នែកនោះគឺ ពេលដែលលោក រិន សាវ៉េត តារាចម្រៀងប្រចាំផលិតកម្មហង្សមាស មកដល់វត្តទួលសង្កែ ដើម្បីចូលរួមបុណ្យសពភ្លាម ស្រាប់តែលោក រិន សាវ៉េត និង នាយ ហុងដា រត់ទៅអោបគ្នា បង្ហាញពីអារម្មណ៍សោកសៅបំផុត ពេលដែលបានបាត់បង់ភរិយា ជាទីស្រលាញ់ស្មើរនឹងកែវភ្នែក។
គួរបញ្ជាក់ផងដែរថា លោក រិន សាវ៉េត ក៏ទើបតែបាត់បង់ភរិយារបស់ខ្លួន ដោយសារតែជំងឺមហារីក បានឆក់យកជីវិតភរិយា បន្សល់ទុកអោយរូបលោក និង កូនប្រុសរបស់នៅយ៉ាងកណ្តោចកណ្តែង។ ហើយខាងក្រោមនេះគឺជារូបថតប៉ុន្មានសន្លឹកដែលភ្នាក់ងារសារព័ត៌មាន ខ្មែរណូត យើងបានចុះទៅផ្តិតផ្ទាល់ ពោលគឺនៅក្នុងពិធីបុណ្យសពផ្ទាល់តែម្តង។ តោះទស្សនារូបថតខាងក្រោម៖ ប្រភព៖ Khmernote
