នាវាកងទ័ពជើងទឹករុស្ស៊ី បានធ្វើដំណើរទៅដល់ប្រទេសហ្វីលីពីនហើយ នៅថ្ងៃទី២០មេសានេះ ដើម្បីចូលរួមសកម្មភាពហ្វឹកហាត់ ជាផ្នែកមួយជំរុញចំណងមិត្ដភាពថ្មីផ្នែកសន្ដិសុខ ខណៈលោកប្រធានាធិបតីRodrigo Duterte កំពុងតែជួសជុលចំណងមិត្ដភាពជាមួយសម្ព័ន្ធមិត្ដចាស់ឡើងវិញ គឺអាមេរិក។ ហ្វីលីពីននិងអាមេរិកបានថ្នាំងថ្នាក់នឹងគ្នាយ៉ាងខ្លាំង បន្ទាប់ពីលោកRodrigo Duterteឡើងកាន់តំណែង ហើយលោកបារ៉ាក់ អូបាម៉ានៅជាប្រធានាធិបតីអាមេរិក។ប៉ុន្ដែក្រោយលោកដូណាល់ ត្រាំឈ្នះឆ្នោតជាប្រធានាធិបតីអាមេរិក លោកDuterteបានកែប្រែគោលនយោបាយការបរទេសមួយចំនួន ក្នុងន័យរឹតចំណងមិត្ដភាពឡើងវិញ។
នាវាកងទ័ពជើងទឹករបស់រុស្ស៊ី ធ្វើទស្សនកិច្ចទៅកាន់ប្រទេសហ្វីលីពីន ជាការផ្លាស់ប្ដូរលោកDuterteរៀបរាប់ថា ជាសកម្មភាពស្របតាមរដ្ឋធម្មនុញ្ញ។លោកមិនបានបង្ហាញលោកមានគំនុំជាមួយអាមេរិកទេ និងបាននិយាយថារុស្ស៊ីនិងចិនក៏ជាប្រទេសអាទិភាព ដែលលោកចង់ជំរុញឲ្យមានចំណងមិត្ដភាពល្អប្រសើរដូចៗគ្នា។ តាមកាលវិភាគនៃការចូលរួមហ្វឹកហាត់រួមគ្នា ភាគីរុស្ស៊ីសង្ឃឹមនឹងអាចបង្កើតបានលទ្ធផលយ៉ាងគាប់ប្រសើរ ពង្រឹងទំនាក់ទំនងប្រទេសទាំងពីរ ព្រមទាំងរក្សាស្ថេរភាពនៅក្នុងតំបន់។ទីក្រុងម៉ូស្គូចង់ជួយហ្វីលីពីនប្រយុទ្ធប្រឆាំងនឹងអំពើជ្រុលនិយម ក៏ដូចជាអំពើលួចប្លន់តាមសមុទ្រ។ចំណែកហ្វីលីពីនវិញក៏រំពឹងដូចគ្នាថា នឹងទទូលបានបទពិសោធន៍បន្ថែមពីរុស្ស៊ី។
ទំនាក់ទំនងរុស្ស៊ីនិងហ្វីលីពីនអាចនឹងមានការអភិវឌ្ឍជាងមុន នៅពេលលោកDuterteជួបលោកប្រធានាធិបតីរុស្ស៊ីPutinនៅខែក្រោយ ធ្វើជាសាក្សីនៃការចុះហត្ថលេខាលើកិច្ចព្រមព្រៀងការពារជាតិ ក្នុងទីក្រុងម៉ូស្គូ។លោកDuterteក៏បានណែនាំទៅ រដ្ឋមន្ដ្រីការពារជាតិរបស់លោក ឲ្យក្រឡេកមើលពីវិធីដែលហ្វីលីពីនអាចនឹងទទួលបានបរិក្ខារយោធាពីរុស្ស៊ី ដូចជាយន្ដហោះគ្មានមនុស្សបើក កាំភ្លើង និងឧទ្ធម្ភាគចក្រជាដើម៕
FILE In this file photo taken on Thursday, Jan. 21, 2016, the Russian missile cruiser Varyag, with the Russian navy destroyer Vice Admiral Kulakov in the rear, on patrol in eastern Mediterranean. The Russian Defense Ministry says two Russian navy destroyers, the Vice Admiral Kulakov and the Severomorsk, drove away a Dutch submarine which was shadowing the Russian navy carrier group in Eastern Mediterranean on Wednesday. (Vadim Savitsky/Russian Defense Ministry Press Service via AP, file)
