ព័ត៌មានពីទីក្រុងសេអ៊ូល ប្រទេសកូរ៉េខាងត្បូង ដោយយោងពីកាសែត«យ៉ូអ៊ុរិ» របស់ជប៉ុន និង សារព័ត៌មាន AP របស់អាមេរិក នៅថ្ងៃទី ១៧ ខែមេសានេះថា មហាអំណាចចិន និង រុស្ស៊ី បានរួមគ្នាបញ្ជូននាវាល្បាត ទៅតាមដានសកម្មភាពរបស់កងនាវាពិឃាត «អារម៉ាដា» របស់អាមេរិក ដឹកនាំដោយនាវាផ្ទុកយន្តហោះនិមីត «USS Carl Vinson» ដែលបច្ចុបប្បន្ន ស្ថិតនៅតំបន់សមុទ្រចិនខាងកើត ។ ស្ថានការណ៍ដែលកើតឡើងនេះ បានហុចផលឱ្យ កងកម្លាំងការពារខ្លួន (JSDF) សម្រេចប្រកាសអាសន្ន និង បង្កើនល្បាតទាំងដែនសមុទ្រនិង ដែនអាកាស នៃតំបន់នោះ ។
យ៉ាងណាក៏ដោយ ភាគីរដ្ឋជាច្រើនជឿថា ស្ថានការណ៍ដែលកំពុងកើតឡើងនេះ ហាក់មិនធ្ងន់ធ្ងរដូចការរំពឹងទុកទេ ដោយសារមហាអំណាចទាំងពីរ បានចូលមកសង្កេតការណ៍តាមដានសកម្មភាពនៃនាវា USS Carl Vinson យ៉ាងម៉ដ្ឋចត់ ទោះរដ្ឋាភិបាលក្រុងវ័រស៊ីងតុននិយាយថា «មិនចាំបាច់»វាយបកទៅកូរ៉េខាងជើងវិញក៏ដោយ តែមិនមែនមានន័យថា អាមេរិកលើកលែងការប្រើកម្លាំងយោធា លើកូរ៉េខាងជើងនោះទេ ហើយការប្រាកដខ្លួននៃនាវាចារកម្ម របស់ចិន និង រុស្ស៊ី គឺជាការបញ្ជូនសញ្ញាដាស់តឿនរដ្ឋាភិបាលសហរដ្ឋអាមេរិកថា «កុំធ្វើអ្វីឱ្យហួស» ឱ្យសោះ ៕ (ប្រភព ដេលីញូវ)
