នារីរងគ្រោះដែលស្លាប់ទាំងវ័យក្មេងនោះមានឈ្មោះ ទន់ ស្រីលី អាយុ២១ឆ្នាំ ជាសិស្សសិក្សានៅថ្នាក់ទី១១ មានឪពុកឈ្មោះ គឹម សុធី អាយុ៥០ឆ្នាំ និងម្តាយឈ្មោះ ឃាង សុគន្ធា អាយុ៤៨ឆ្នាំ មានទីលំនៅកន្លែងកើតហេតុខាងលើ ។
ប្រភពព័ត៌មានពីឪពុក-ម្តាយស្រីក្រមុំរងគ្រោះ បានឲ្យដឹងថា កូនស្រីរបស់គាត់មានជំងឺទឹកនោមប្រៃ ហើយរាល់ថ្ងៃនាងបានលេបថ្នាំពេទ្យប្រភេទគ្រាប់ចំនួន២ពេល គឺម៉ោង០៧ព្រឹក និងម៉ោង១៨ល្ងាច តាមវេជ្ជបញ្ជា ។ ជាអកុសល នៅថ្ងៃកើតហេតុ ក្រោយពេលលេបថ្នាំនាងនិយាយមិនរួច ក៏សរសេរអក្សរប្រាប់ពួកគាត់ថា នាងលេបថ្នាំស្លាក់ ។ ឋិតក្នុងស្ថានភាពបែបនេះ ពួកគាត់ក៏ប្រញាប់នាំនាងទៅគ្លីនិកឯកជនក្បែរលំនៅឋានមួយឈ្មោះ គ្លីនិក ឡាំ ប៊ុនថង ដើម្បីជួយសង្គ្រោះ តែពេទ្យថាមិនហ៊ានទទួលព្យាបាលទេ ទើបពួកគាត់សម្រេចចិត្តបន្តនាំនាងទៅមន្ទីរពេទ្យព្រះកុសុមៈ(ពេទ្យលោកសង្ឃ) ប៉ុន្តែនាងក៏បានដាច់ខ្យល់ស្លាប់យ៉ាងអាណោចអាធ័មនៅពាក់កណ្តាលផ្លូវបាត់ទៅគួរឲ្យសោកស្តាយ ។
ករណីនេះ គឺជាមេរៀនមួយសម្រាប់ប្រិយមិត្តអ្នកអានពិចារណា និងមានការប្រុងប្រយ័ត្នលើរបៀបរបបលេបថ្នាំពេទ្យប្រភេទគ្រាប់ ដែលមិនតម្រូវឲ្យលេបថ្នាំទាំងប្រញាប់ប្រញាល់ពេកនោះទេ ដែលអាចស្លាក់ចូលក្នុងបំពង់ខ្យល់ស្លាប់បាន ប្រសិនបើគ្មានបច្ចេកទេសជួយសង្គ្រោះទាន់ពេលវេលាទេនោះ ៕
ប្រភព៖http://www.dtn7.com/2015/04/07/12531.html/
