បើតាមសេចក្ដីរាយការណ៍ លោក Pareja មិនបានចាំថាតើពីងពាងនេះខាំតាំងពីពេលណាទេ ប៉ុន្តែបងថ្លៃរបស់គាត់ប្រាប់អ្នកសារព័ត៌មានថា ពិសនៅមុខរបួសគឺដូចគ្នាទៅនឹងពិសពីងពាងគូទស។ គាត់ចាប់ផ្ដើមមានបញ្ហានៅថ្ងៃទី ២៥កុម្ភៈ ពេលជើងម្ខាងចាប់ផ្ដើមហើម តែគាត់មិនបានឲ្យពេទ្យពិនិត្យទេរហូតដល់ថ្ងៃទី ២៧កុម្ភៈ។
នៅថ្ងៃបន្ទាប់ គាត់មិនអាចដើររួចឡើយ ហើយជើងខាងស្ដាំចាប់ផ្ដើមប្រែពណ៌ជាខ្មៅជាំគួរឲ្យភ្ញាក់ផ្អើល។ សាច់ញាតិបាននាំគាត់នៅកាន់មន្ទីរពេទ្យ Horsham ដោយអាការៈធ្ងន់ធ្ងរពេក គ្រូពេទ្យសម្រេចកាត់ជើងចោលម្ខាង រួចផ្ទេរទៅកាន់មន្ទីរពេទ្យ Alfred ក្នុងទីក្រុងម៉ែលប៊ន ហើយក៏កាត់ជើងឆ្វេងម្ខាងទៀត។មកទល់ពេលនេះ កូនស្រីរបស់ជនរងគ្រោះនាង Jeffmarey Pareja បានធ្វើយុទ្ធនាការរៃអង្គាសប្រាក់លើទំព័រ GoFundMe បានជាង ៣,៥ម៉ឺនដុល្លារ។ នាងប្រាប់ថាតម្រង់នោមឪពុកនាងចាប់ផ្ដើមចុះខ្សោយ ហើយក្រុមគ្រូពេទ្យក៏មិនអាចកម្ចាត់មេរោគចេញពីដៃទាំងពីរបានដែលប្រឈមនឹងការកាត់ចេញទៀតផង៕ ប្រភព៖ vow-news
