ផ្កាយរណបចាប់បានទីតាំងធ្វើតេស្តនុយក្លេអ៊ែររបស់កូរ៉េខាងជើង
ទីតាំងធ្វើតេស្ដអាវុធនុយក្លេអ៊ែររបស់ប្រទេសកូរ៉េខាងជើងត្រូវបានផ្កាយរណបចាប់រូបភាពបាន គឺស្ថិតនៅតំបន់ភ្នំភាគពាយព្យនៃប្រទេសនោះ ។
យោងតាមការចុះផ្សាយរបស់គេហទំព័រ yonhapnews បានឲ្យដឹងថា ផ្កាយរណបចាប់រូបភាពបានអំពីទីតាំងធ្វើតេស្ដអាវុធនុយក្លេអ៊ែររបស់ប្រទេសកូរ៉េខាងជើងកាលពីថ្ងៃទី ១៩ ខែមេសា បានបង្ហាញពីសញ្ញាដែលមានរថយន្ដសណ្ដោងមួយចំនួន ទំនងជាការរុករករ៉ែ ហើយក៏មានសម្ភារតូចៗមួយចំនួនទៀតនៅលើរថយន្ដសណ្ដោងនោះផងដែរជាពិសេសនោះគឺមានផ្លូងក្រោមដីមួយដែលទីក្រុងព្យុងយ៉ាងបានរៀបចំឡើងសម្រាប់ការធ្វើតេស្ដអាវុធនុយក្លេអ៊ែរ នេះបើយោងតាមការចុះផ្សាយរបស់គេហទំព័រ ៣៨ របស់កូរ៉េ ។
ការបូមទឹកចេញពីផ្លូវរូងក្រោមដីត្រូវបានគេយល់ថា គឺជាការចាំបាច់ដើម្បីរក្សាបរិស្ថានជុំវិញឱ្យស្ថិតនៅកម្រិតល្អប្រសើរមួយសម្រាប់ការធ្វើតេស្តអាវុធនុយក្លេអ៊ែរ ៕
ប្រភព៖http://www.pageth.info/archives/14641
