ត្រាំមិនហ៊ានបាញ់ ព្រោះប្រទេសកូរ៉េខាងជើងពិតជាមានគ្រាប់មីស៊ីលឆ្លងទ្វីប ដែលអាច…(មានរូប)

យោងតាមសេចក្ដីរាយការណ៍ពីសារព័ត៌មាន BBC កាលពីចុងខែកុម្ភៈ ដើមឆ្នាំ២០១៧នេះ បានឱ្យដឹងថា កូរ៉េខាងជើងមានមីស៊ីលជាង ១០០០ (១ពាន់) ដើមដែលមានសមត្ថភាពផ្សេងៗគ្នា រួមទាំងមីស៊ីលចម្ងាយវែងផង។

ក្នុងរយៈពេលត្រឹមតែពីរបីទសវត្សរ៍ចុងក្រោយនេះ ការអភិវឌ្ឍន៍សព្វាវុធរបស់កូរ៉េខាងជើងមានការរីកចម្រើនគួរឱ្យកត់សម្គាល់បំផុត។ ទសវត្សឆ្នាំ១៩៦០ និង១៩៧០ កូរ៉េខាងជើងមានសមត្ថភាពផលិតត្រឹមរ៉ុកកែតសម្រាប់កងកាំភ្លើងធំ ហូតដល់ផលិតមីស៊ីលចម្ងាយខ្លី និងមធ្យមបាននៅទសវត្សរ៍ឆ្នាំ១៩៨០ និង១៩៩០។ ខណៈមកដល់ទសវត្សរ៍ចុងក្រោយនេះ ផលិតបានទាំងអាវុធនុយក្លេអ៊ែរថែមទៀតផង។

ចម្ងាយមីស៊ីលសំខាន់ៗរបស់កូរ៉េខាងជើង (ចម្ងាយប៉ាន់ស្មាន)

១ មីស៊ីល Nodong បាញ់បានចម្ងាយ ១ ៣០០គីឡូម៉ែត្រ
២ មីស៊ីល Taepodong 1 បាញ់បានចម្ងាយ ២ ០០០គីឡូម៉ែត្រ
៣ មីស៊ីល Musudan បាញ់បានចម្ងាយ ៤ ០០០គីឡូម៉ែត្រ
៤ មីស៊ីល Taepodong 2 បាញ់បានចម្ងាយ ៨ ០០០គីឡូម៉ែត្រ

ដោយឡែក កាលពីពេលថ្មីៗនេះ កូរ៉េខាងជើងអះអាងថាខ្លួនបានផលិតផលមីស៊ីលអន្តរទ្វីបបានហើយដែលអាចមានសមត្ថភាពអាចបាញ់ដល់លោកខាងលិចបាន។

តាមទ្រឹស្ដីមីស៊ីលត្រូវបានបែងចែករយៈចម្ងាយដូចខាងក្រោម៖

១ មីស៊ីលចម្ងាយខ្លី៖ ១០០០គីឡូម៉ែត្រឬតិចជាងនេះ
២ មីស៊ីលចម្ងាយមធ្យម៖ ១០០០-៣០០០គីឡូម៉ែត្រ
៣ មីស៊ីលចម្ងាយលើមធ្យម៖ ៣០០០-៥៥០០គីឡូម៉ែត្រ
៤ មីស៊ីលអន្តរទ្វីប៖ ចម្ងាយលើសពី ៥៥០០គីឡូម៉ែត្រ

មីស៊ីលអន្តរទ្វីប៖ កូរ៉េខាងជើង គឺអាចផលិតមីស៊ីលចម្ងាយវែងបានដែលមានឈ្មោះថា KN-08 ឬ Hwasong-13។ មីស៊ីលប្រភេទនេះគឺត្រូវបានអភិវឌ្ឍន៍នៅខែកញ្ញា ឆ្នាំ២០១៦ គឺកូរ៉េខាងជើងបានសាកល្បងរ៉ុកកែតថ្មីមួយដែលអាចបាញ់មីស៊ីលអន្តរទ្វីបនេះបាន។ មន្ទីរបញ្ចកោណមានជំនឿថា កូរ៉េខាងជើង មាន Hwasong-08 យ៉ាងហោចណាស់ ៦គ្រាប់ ដែលអាចបាញ់ដល់ទឹកដីសហរដ្ឋអាមេរិកមួយភាគធំ។ ក្រៅពីនេះ កូរ៉េខាងជើង ក៏ធ្លាប់ផលិតម៉ូដែលទំនើបជាងមុនទៀត គឺ KN-14។ មកដល់ខែមករា ឆ្នាំ២០១៧ គឺមានសញ្ញាថា ប្រទេសនេះគឺស្ថិតនៅក្នុងដំណាក់កាលចុងក្រោយនៃការអភិវឌ្ឍន៍មីស៊ីលអន្តរទ្វីប។ បើគិតមកដល់ពេលនេះ គឺកូរ៉េខាងជើងមានលទ្ធភាពអាចផលិតមីស៊ីលបាញ់ក្បាលគ្រាប់នុយក្លេអ៊ែរចម្ងាយឆ្ងាយ ឬអន្តរទ្វីបបាន ទោះបី ជាមិនទាន់ភស្ដុតាងច្បាស់នឹងភ្នែកក៏ដោយ៕