ចិន ដាក់ពង្រាយកងទ័ព ជិត២សែននាក់ ព្រោះខ្លាចអាមេរិក វាយកូរ៉េខាងជើង

កងទ័ពចិនចំនួន ១៥០ ០០០នាក់ ត្រូវបានដាក់ពង្រាយទៅកាន់ព្រំដែនកូរ៉េខាងជើង ដើម្បីរៀបចំការការពារទុកជាមុន បន្ទាប់ពីសហរដ្ឋអាមេរិក បានទម្លាក់គ្រាប់មីស៊ីល លើប្រទេសស៊ីរី។

ការវាយប្រហារប្រទេសស៊ីរី ដែលចេញបញ្ជាដោយផ្ទាល់ពីប្រធានាធិបតីអាមេរិក ដូណាល់ ត្រាំ កាលពីថ្ងៃសុក្រ កន្លងទៅនេះ ត្រូវបានគេចាត់ទុកថា ជាការព្រមានដល់ប្រទេសកូរ៉េខាងជើង។

ឥឡូវនេះ ចិន បានភ្ញាក់ផ្អើលយ៉ាងខ្លាំង ដោយសារការវាយប្រហារតាមផ្លូវអាកាសនោះ និងបានដាក់ពង្រាយកងទ័ពវេជ្ជសាស្ត្រ និងជំនួយជាច្រើន ទៅកាន់ទន្លេ Yalu River ក្បែរព្រំដែនកូរ៉េខាងជើង។ នេះបើយោងតាមសារព័ត៌មានកូរ៉េ Chosun។

កងទ័ពចិនទាំងនោះ ត្រូវបានបញ្ជូនយ៉ាងប្រញាប់ ដើម្បីដោះស្រាយបញ្ហាជនភៀសខ្លួនកូរ៉េខាងជើង និងកាលៈទេសៈដែលមើលមិនឃើញ ប្រសិនបើអាមេរិកវាយកូរ៉េខាងជើង។

ទន្ទឹមនឹងនេះ កងទ័ពជើងទឹកអាមេរិក បានចល័តនាវា USS Carl Vinson សម្រាប់ដឹកក្រុមយន្តហោះចម្បាំង ពីសិង្ហបុរី ទៅកាន់ កូរ៉េខាងជើង បន្ទាប់ពីប្រទេសផ្ដាច់ការមួយនេះ បានធ្វើតេស្តគ្រាប់មីស៊ីលជាបន្តបន្ទាប់៕