ក្រុងម៉ូស្គូៈ រដ្ឋមន្ត្រីការបរទេសរុស្ស៊ីលោកសឺរហ្គេ ឡាវរ៉ូវ បាននិយាយពីថ្ងៃសៅរ៍នៅក្នុងអំឡុងការពិភាក្សាតាមទូរស័ព្ទលើកដំបូងរបស់លោកជាមួយសមភាគីអាមេរិកលោក Rex Tillerson ចាប់តាំងពីការវាយប្រហារផ្លូវអាកាសរបស់អាមេរិកទៅលើស៊ីរីកាលពីសប្តាហ៍មុនថាអាមេរិកកំពុងលេងល្បែងភេរវកម្ម។
យោងតាមសេចក្តីថ្លែងការណ៍មួយរបស់ក្រសួងការបរទេសរុស្ស៊ីឲ្យដឹងថា លោកឡាវរ៉ូវ បានព្រមានលោក Tillerson ថា៖ «ប្រទេសមួយដែលប្រយុទ្ធប្រឆាំងនឹងអំពើភេរវកម្មគ្រាន់តែជាការលេងល្បែងភេរវកម្មមួយនិងបង្កើតការគំរាមកំហែងសន្តិសុខនៅក្នុងតំបន់ និងពិភពលោកតែប៉ុណ្ណោះទេ»។
លោកឡាវរ៉ូវក៏បានអះអាងគោលជំហររបស់រុស្ស៊ីថា ការចោទប្រកាន់ជាច្រើន ដែលរបបស៊ីរីបានវាយប្រហារអាវុធគីមីទៅលើទីប្រជុំជន Khan Sheikhun កាលពីសប្តាហ៍មុនមិនមែនជាការពិតនោះទេ។
អាមេរិកកាលពីថ្ងៃព្រហស្បតិ៍បាញ់មីស៊ីលគ្រោះ Tomahawk ចំនួន ៥៩ គ្រាប់ចេញពីនាវាមុជទឹកជាច្រើនគ្រឿងនៅក្នុងមហាសមុទ្រមេឌីទែរ៉ានេនៅឯវាលយន្តហោះ Shayrat នៅក្បែរក្រុងហូមស៍នៅស៊ីរីភាគកណ្តាល។ មួយថ្ងៃមុននេះ ប្រធានាធិបតីអាមេរិកលោកដូណាល់ ត្រាំបាននិយាយថា រូបភាពជាច្រើនរបស់ជនរងគ្រោះនៅទីប្រជុំជន Khan Sheikhun គួរឲ្យឈឺចាប់ជាទី បំផុត។
ការសន្ទនាតាមទូរស័ព្ទកាលពីថ្ងៃសៅរ៍រវាងក្រុមអ្នកការទូតកំពូលរុស្ស៊ី និងអាមេរិកចាប់តាំងពីមានការវាយប្រហារជាច្រើនទៅលើវាលយន្តហោះស៊ីរី។ រដ្ឋមន្ត្រីការបរទេសអាមេរិកលោក Tillerson គ្រោងមកដល់ក្រុងម៉ូស្គូនៅថ្ងៃអង្គារដើម្បីចូលរួមកិច្ចពិភាក្សាពីរថ្ងៃ។
អ្នកនាំពាក្យការបរទេសរុស្ស៊ីលោកស្រី Maria Zakharova និយាយថា ក្រុងម៉ូស្គូរំពឹងថា មានការបកស្រាយជុំវិញការវាយប្រហាររបស់ US នៅស៊ីរី៕
