សហភាពអឺរ៉ុប…! អង់គ្លេស ចេញយោធានាវាមុជទឹកថ្មី ដើម្បីត្រៀមខ្លួន… (មានរូប) ស៊ែ រង់ចាំពត៍មានបន្ត

អង់គ្លេស៖ ដោយចាកចេញពីកំពង់ផែស្ងួតនៅ បារ៉ូអ៊ីនហ្វឺនណេស នាវាមុជទឹកថ្មីបំផុតរបស់កងទ័ពជើងទឹកអង់គ្លេសកាលពីថ្ងៃព្រហស្បតិ៍ទី២៧មេសាបានត្រៀមខ្លួនចុះទឹក នៅមុនដំណើរឆ្ពោះទៅសមុទ្រជាលើកដំបូងរបស់ខ្លួន។
នាវានេះចំណាយពេលផលិតឡើង ១០ ឆ្នាំ ប៉ុន្តែឥឡូវនាវាដើរដោយថាមពលនុយក្លេអ៊ែរទម្ងន់ ៧.៤០០ តោន ប្រវែង ៩៧ ម៉ែត្រ ឈ្មោះ HMS Audacious នឹងធ្វើដំណើរក្នុងទឹកជាលើកដំបូងនៅថ្ងៃសុក្រទី ២៨ មេសានេះ អំឡុងពិធីដាក់សម្ភោធចុះទឹកនៅ ខាំប្រៀ។ ជាផ្នែកមួយនៃគម្រោងតម្លៃ ១,២៩ ពាន់លានដុល្លារ នាវាមុជទឹក HMS Audacious ជានាវាមុជទឹកទី ៤ ក្នុងចំណោមនាវាមុជទឹក ១០ គ្រឿង ដែលទទួលការអនុញ្ញាតផលិតពីរដ្ឋាភិបាល ដើម្បីកំណត់ស្តង់ដារថ្មីក្នុងផ្នែកសព្វាវុធ។ ពេលបំពាក់ជាមួយកាំជ្រួច Tomahawk នាវានេះនឹងមានសមត្ថភាពបាញ់ចំគោលដៅនៅចម្ងាយ ១.២០០ គីឡូម៉ែត្រចេញពីឆ្នេរ។ ថ្វីបើមានការកើនឡើងភាពតានតឹង និងការបង្ហាញសាច់ដុំយោធាជុំវិញសកលលោក អ្នកនាំពាក្យឱ្យក្រុមហ៊ុន BAE Systems’ Submarines និយាយថា លំហាត់សមនៅថ្ងៃសុក្រនេះគឺជានីតិវិធីដែលបានរៀបចំទុកជាមុនមកទេ។ កាំជ្រួច Tomahawk នឹងផ្តល់នូវសមត្ថភាពគាំទ្រដល់កងកម្លាំងថ្មើរជើងអង់គ្លេសនៅគ្រប់ទីកន្លែងក្នុងពិភពលោក។ ហើយសមត្ថភាពអស្ចារ្យរបស់វាគឺថា សូម្បីវាកំពុងស្ថិតនៅក្រោមទឹកនៃច្រកសមុទ្រអង់គ្លេស ក៏វាអាចស្តាប់ឮនាវានៅក្រុងញូវយ៉កបានដែរ(ក្នុងចម្ងាយ ៥.៥៥៥ គីឡូម៉ែត្រ)៕