ខេត្តកំពង់ស្ពឺ ៖ ក្មេងស្រីអាយុ១៣ឆ្នាំម្នាក់ បានចងកសម្លាប់ខ្លួនទាំងវ័យក្មេង ខណៈដែលអ្នកជិតខាងចោទថាលួចលុយ១០ម៉ឺនរៀល ឆែកក្នុងខ្លួនអត់ឃើញ ដោយខ្មាស់គេក៏ដាច់ចិត្តតែម្តង។ ហេតុការណ៍ភ្ញាក់ផ្អើលក្មេងស្រីចង.កសម្លាប់ខ្លួន បានកើតឡើង កាលពីវេលាម៉ោង ១០និង៣០នាទីព្រឹក ថ្ងៃទី២៧ ខែមេសា ឆ្នាំ២០១៧ នៅភូមិស្វាយទាប ឃុំអង្គពពេល ស្រុកគងពិសី ខេត្តកំពង់ស្ពឺ។
នគរបាលស្រុកបាននិយាយអោយដឹងថា ជនរងគ្រោះឈ្មោះ ទឹម សុនិតា ភេទស្រី អាយុ13ឆ្នាំ ជាសិស្សមានទីលំនៅៈ នៅភូមិកើតហេតុខាងលើជាមួយឪពុកម្តាយ។ នគរបាលបានបន្តថា បន្ទាប់ពីមានការរាយការណ៍ពីសាច់ញាតិ រួចមកនគរបាលក៏បានចុះទៅពិនិត្យ បានឃើញក្មេងស្រីរងគ្រោះ បានយកខ្សែអង្រឹងនឹងកៅអីជរ័ជាន់ឡើងចង ករ ភ្ជាប់ទៅនឹងធ្នឹមផ្ទះរបស់ខ្លួន បណ្តាលអោយស្លាប់នៅនិងកន្លែងកើតហេតុ ក្នុងផ្ទះរបស់ខ្លួន ។
នគរបាលបន្តទៀតថា នៅមុនពេលកើតហេតុ នៅថ្ងៃទី27.04.2017ម៉ោង10ព្រឹក ជនរងគ្រោះបាននាំប្អូនជិះកង់ដើរលេងក្នុងភូមិ ហើយក៏ត្រឡប់មកផ្ទះវិញ មកដល់ផ្ទះជីដូនឈ្មោះសួង កាន អាយុជា៦០ឆ្នាំដែលនៅជាមួយនោះគ្រាន់តែទៅដល់ផ្ទះបាន មួយសន្ទុះក៏ ស្រាប់តែមានឈ្មោះប្រាក់ សម្ភស្ស ភេទស្រីអាយុ40ឆ្នាំមកសួរជនរងគ្រោះថាមានយកលុយគាត់ចំនួន១០ម៉ឺនរៀលទេ គាត់បានបាត់លុយចំនួន10ម៉ឺនរៀល ពេលនោះជនរងគ្រោះឆ្លើយថាអត់ដឹងទេ ហើយឈ្មោះ ប្រាក់ សម្ភស្សមិនអស់ចិត្ត បានឆែកលើខ្លួនជនរងគ្រោះតែមិនឃើញ រួចហើយក៏ត្រឡប់ទៅផ្ទះវិញ ។
ក្រោយមកជីដូនឈ្មោះ សួង កាន បានប្រើជនរងគ្រោះ ឱ្យទៅដាំបាយ នៅផ្ទះរបស់ជនរងគ្រោះ ព្រោះម្តាយជិតចេញពីធ្វើការ ជនរងគ្រោះបានដើរទៅឡើងលើផ្ទះបាត់ទៅ ។ ពេលចៅឡើងលើផ្ទះយូពេកមិនឃើញចុះមកវិញ ជីដូនក៏ឡើងតាមទៅមើលស្រាប់តែឃើញចៅរបស់គាត់ចង ករ ស្លាប់បាត់ទៅហើយ។ មិនអស់ចិត្ត បងប្អូនបានហៅរថយន្តពេទ្យមណ្ឌលសុខភាពវាល ពេលពេទ្យមកដល់បានពិនិត្យមើលថា ជនរងគ្រោះបានស្លាប់ហើយ។
ឆ្លងតាមការពិនិត្យលើខ្លួនសាកសព ពុំមានឃើញស្លាកស្នាមអ្វីទេ រួចក៏ប្រគល់សពអោយសាច់ញាតិ យកទៅធ្វើបុណ្យតាមប្រពៃណី៕
