សង្គ្រៀមធំជៀសមិនរួចទេ...! ជប៉ុនគាំទ្រឲ្យអាមេរិកវាយកូរ៉េខាងជើង និងមិនគួរ... ជួយស៊ែ រងចាំតាមដានព័ត៍មានអន្តរជាតិ

នាយករដ្ឋមន្ដ្រីជប៉ុនលោកស៊ីនហ្ស៊ូ អាបេ បានថ្លែងក្នុងសភានៅថ្ងៃទី១៧មេសានេះថា លោកឯកភាពនឹងជំហររបស់អាមេរិក យកមកដោះស្រាយជាមួយកូរ៉េខាងជើង ខណៈរដ្ឋាភិបាលជប៉ុនកំពុងពិចារណាលើការធ្វើសកម្មភាព ប្រសិនបើមានជនភៀសខ្លួនមកពីឧបទ្វីបកូរ៉េបង្កឡើងដោយសារតែជម្លោះ។

លោកអាបេបាននិយាយថា “រដ្ឋាភិបាលរបស់លោកត្រាំបានបញ្ជាក់យ៉ាងច្បាស់ គេមិនអាចប្រើយុទ្ធសាស្ដ្រអត់ធ្មត់ទៀតទេ ហើយជម្រើសទាំងអស់ត្រូវដាក់លើតុដើម្បីដោះស្រាយបញ្ហា ដែលប្រទេសរបស់យើងក៏ឯកភាពដែរ។យើងកំពុងតែគិតនិងរៀបចំស្ថានភាព នៅកន្លែងប្រជាជនជប៉ុនកំពុងរស់នៅលើឧបទ្វីបកូរ៉េ ព្រោះពួកគេត្រូវការជាចាំបាច់ការការពារឬការជម្លៀសខ្លួន។យើងក៏នឹងអាចជម្លៀសប្រជាជនជប៉ុនផងដែរ អនុលោមតាមច្បាប់យោធាឆ្នាំ២០១៥ ស្របពេលយើងកំពុងពង្រឹងសមត្ថភាពការពារនៅក្រៅប្រទេសជប៉ុន។”

លោកបន្ថែមថា លោកគ្រោងនឹងជជែកពីបញ្ហាកូរ៉េខាងជើង ក្នុងពេលលោកជួបជាមួយប្រធានាធិបតីរុស្ស៊ីនៅចុងខែមេសានេះ។

សូមបញ្ជាក់ថា កូរ៉េខាងជើងបានបង្ហាញពីអាវុធប្រភេទថ្មី មានមីស៊ីលរយៈចម្ងាយឆ្ងាយ នាវាមុជទឹកដែលអាចបាញ់មីស៊ីលបានជាដើម នៅថ្ងៃប្រារព្ធខួបទី១០៥នៃបិតាស្ថាបនិកគីម អ៊ីលស៊ុងកាលពីថ្ងៃទី១៥មេសា។នៅថ្ងៃទី១៦មេសាកូរ៉េខាងជើងបានបាញ់មីស៊ីលមួយគ្រាប់ទៀត ប៉ុន្ដែមិនទទួលជោគជ័យទេ។អាមេរិកបានប្រតិកម្មរឹតតែខ្លាំងលើកូរ៉េខាងជើង ស្របពេលនាវាដឹកយន្ដហោះចម្បាំងនិងនាវាពិឃាដជាច្រើនគ្រឿង បានធ្វើដំណើរទៅឧបទ្វីបកូរ៉េត្រៀមទប់ទល់នឹងស្ថានការណ៍អាក្រក់៕