ខុសពីស៊ីរី អនុប្រធានធិបតីអាមេរិក ធ្វើដំណើរទៅប្រទេសធំៗនៅអាស៊ីដើម្បីវាយប្រហារកូរ៉េខាងជើងដោយប្រើ

យោងតាមទីភ្នាក់ងារសារព័ត៌មាន Associated Press បេសកកម្មរបស់លោក Pence ក្នុងដំណើរទស្សនកិច្ចជាលើកដំបូងទៅកាន់ប្រទេសកូរ៉េខាងត្បូង គឺដើម្បីពន្យល់ដល់មេដឹកនាំជប៉ុន ឥណ្ឌូនេស៊ី អូស្ត្រាលី និងកូរ៉េខាងត្បូងអំពីគោលនយោបាយមួយហៅថា «សម្ពាធ និងការចូលរួមអតិបរមា» ដែលមានគោលបំណងបង្កើនសម្ពាធទៅលើរដ្ឋាភិបាលកូរ៉េខាងជើង។

អនុប្រធានាធិបតីអាមេរិកលោកMike Pence បានធ្វើទស្សនកិច្ចរយៈពេល១០ថ្ងៃទៅកាន់ប្រទេសបួនក្នុងតំបន់អាស៊ី មានប្រទេសកូរ៉េខាងត្បូង ជប៉ុន ឥណ្ឌូនេស៊ី និងប្រទេសអូស្ដ្រាលីហើយលោកចាប់ផ្ដើមដំបូងនៅប្រទេសកូរ៉េខាងត្បូង។លោកបានទៅដល់ទីក្រុងសេអ៊ួល ប្រទេសកូរ៉េខាងត្បូងកាលពីថ្ងៃទី១៦មេសា។ទៅដល់បានមួយថ្ងៃ នៅថ្ងៃទី១៧មេសា លោក Mike Penceបានធ្វើដំណើរទៅកាន់តំបន់គ្មានយោធា ជាតំបន់ខណ្ឌចែកទឹកដីហើយក៏ជាព្រំដែនរវាងកូរ៉េខាងត្បូងនិងកូរ៉េខាងជើងដែរ។

សូមបញ្ជាក់ថាអនុប្រធានាធិបតីអាមេរិក បានអញ្ជើញទៅដល់កូរ៉េខាងត្បូងកាលពីថ្ងៃអាទិត្យម្សិលមិញនិងអញ្ជើញទៅកាន់តំបន់ព្រំដែនអន្តរកូរ៉េនៅពេលព្រឹកមិញនេះ។ នៅទីនោះ ហើយ ដែល លោក Pence បានថ្លែងបញ្ជាក់ថា អាមេរិកលែងមាននយោបាយអំណត់អត់ធ្មត់ទៀតឡើយនៅចំពោះមុខរបបព្យុងយ៉ាង ហើយអាមេរិកក៏នឹងប្រឆាំងឲ្យអស់រាល់ការវាយប្រហារនានានិងតបតវិញ ប្រកបដោយប្រសិទ្ធិភាពរាល់ការប្រើប្រាស់អាវុធធម្មតាឬក៏អាវុធនុយក្លេអ៊ែរ។ លើសពីនោះលោក Mike Pence ថែមទាំងបានអំពាវនាវសហគមន៍អន្តរជាតិ ឲ្យបង្កើនការគាបសង្កត់ទៅលើកូរ៉េខាងជើងឲ្យកាន់តែខ្លាំងថែមទៀត។

U.S. Vice President Mike Pence arrives at the border village of Panmunjom in the Demilitarized Zone (DMZ) which has separated the two Koreas since the Korean War, South Korea, Monday, April 17, 2017. (AP Photo/Lee Jin-man)

គួររំលឹកថា លោក Donald Trump ធ្លាប់បានសន្យាកាលពីថ្ងៃព្រហស្បតិ៍មុនថានឹងលោកដោះស្រាយបញ្ហាកូរ៉េខាងជើង ហើយលោកក៏ធ្លាប់បានជូនដំណឺងអំពីការបញ្ជូននាវាផ្ទុកយន្តហោះ Carl Vison ដែលអមដំណើរដោយនាវាបាញ់មីស៊ីល៣គ្រឿង ហើយបន្ទាប់មកទៀត លោកក៏បានរំលឹកដែរពីនាវា Armada មួយគ្រឿងដែលមានទាំងនាវាមុជទឹកផង។