ខ្លាំងទៀតហើយ…! អាមេរិក បញ្ជូនយន្តហោះទៅកាន់ឧបទ្វីបកូរ៉េ ដើម្បី… (មានវីដេអូ)

យោងតាមរបាយការណ៍ពីគកេហទំព័រ Yonhapnews របស់ប្រទេសកូរ៉េខាងត្បូង បានឲ្យដឹងកាលពីថ្ងៃទី២០ ខែមេសានេះថា កងកម្លាំងទាហានជើងអាកាសសហរដ្ឋអាមេរិកបានបញ្ជូនយន្តហោះចម្បាំងពិសេសមួយគ្រឿងដែលជាប្រភេទយន្តហោះស៊ើបអង្កេតប្រភេទ WC-135 Constant Phoenix តាមដានហិតក្លិនអាវុធនុយក្លេអ៊ែរឆ្ពោះទៅកានតំបន់ភាគខាងកើតឧបទ្វីបកូរ៉េ ស្របពេលដែលប្រទេសកូរ៉េខាងជើងប្រកាសកំណត់ពេលវេលាធ្វើតេស្តសាកល្បងគ្រាប់បែកនុយក្លេអ៊ែរសាជាថ្មីទៀត ។

គួរបញ្ជាក់ជូនថា កម្មវិធីតេស្តសាកល្បងអាវុធមីស៊ីល និងអាវុធនុយក្លេអ៊ែរច្រើនលើកច្រើនសា ម្តងហើយម្តងទៀតទល់បច្ចុប្បន្នរបស់ប្រទេសកូរ៉េខាងជើង ដឹកនាំដោយបុរសវ័យក្មេង Kim Jong-un បានបង្កឲ្យមានភាពតានតឹងខ្លាំងរវាងសហរដ្ឋអាមេរិក និងប្រទេសកូរ៉េខាងជើង រហូតដល់មហាអំណាចអាមេរិកគំរាមវាយប្រហារប្រទេសកូរ៉េខាងជើងទៀតផង ៕