ចង់ដឹងទេ គូស្នេហ៍ថ្មីរបស់ នាយចឺម ជាអ្នកណា ? ស្អាតកប់!!

នាយ ចឺម ត្រូវបានគេចាត់ទុកជាតារាកំប្លែងវ័យក្មេង ដែលមានឈ្មោះបោះសម្លេង និង រកប្រាក់ចំណូលបានយ៉ាងច្រើន ពិតជាមិនធម្មតាឡើយ ។ អ្វីដែលកត់សម្គាល់នោះ នាយ ចឺម ថែមទាំងមានមន្តស្នេហ៍មិនធម្មតា គ្រាន់តែបែកពីគូស្នេហ៍មិនទាន់បានប៉ុន្មានផង នាយរកបានអ្នកថ្មីភ្លែត ។ គូស្នេហ៍ថ្មីរបស់ នាយចឺម ត្រូវបានគេដឹងថា ជាតារាស្រីរូបស្រស់ និង សិចស៊ីម្នាក់ ។ តើចង់ដឹងទេថា តារាស្រីរូបណាជាគូស្នេហ៍របស់នាយចឺម ? តោះមើលទាំងអស់គ្នា ។

កាលពីពេលថ្មីៗនេះ មានការបង្ហើបពីសំណាក់អ្នកសិល្បៈថា គូស្នេហ៍ថ្មីរបស់តារាកំប្លែង នាយ ចឺម គឺគ្មាននរណាក្រៅពីតារាសម្តែងសិចស៊ី អៀ ម៉េងលិ នោះទេ ។ ពួកគេមានទំនាក់ទំនងជាមួយគ្នា អស់រយៈពេលជាច្រើនខែមកហើយ ក្រោយពីនាយចឺម បែកពីស្រីស្អាត ពុធ ស្រីខួច នោះមក ។ ចំណងស្នេហ៍ថ្មីរបស់នាយចឺម ក៏មានការដឹងលឺពីសំណាក់ចាស់ទុំទាំងសងខាងដែរ ។ តែគេនៅមិនទាន់ច្បាស់ថា ចំណងស្នេហ៍របស់ពួកគេអាចឈានទៅរកការរៀបការឬយ៉ាងណានោះទេ ? ព្រោះទាំងនាយ ចឺម និង ស្រីស្អាត អៀ ម៉េងលិ សុទ្ធតែនៅវ័យក្មេងដូចគ្នា ។

ពីមួយថ្ងៃទៅមួយថ្ងៃ ចំណងស្នេហ៍របស់ នាយចឺម និង តារាសម្តែង អៀ ម៉េងលិ កាន់តែផ្អែមល្ហែម មានពេលខ្លះពួកគេបានចំណាយពេលដើរកំសាន្តជាមួយគ្នាផងដែរ ។ កាលពីបុណ្យចូលឆ្នាំកន្លងទៅ នាយ ចឺម ក៏បានដឹកដៃគូស្នេហ៍ទៅ លេងខេត្តសៀមរាបផងដែរ ។ ថ្មីៗនេះគេបានឃើញវត្តមាន នាយ ចឺម លេចមុខនៅក្នុងហាង «លិលីប៊ីប៊ីគ្យូ» របស់ អៀ ម៉េងលិ ក្នុងនាមជាតារាកំប្លែងប្រចាំហាងផងដែរ ។

មានការនិយាយថា នាយចឺម ពិតជាមានមន្តស្នេហ៍មិនធម្មតាមែន មានសង្សារសុទ្ធតែជាស្រីស្អាត ។ ក្រៅពីជាតារាកំប្លែង នាយចឺម ក៏ជាតារាចម្រៀង នៅក្នុងផលិតកម្មសាន់ដេផងដែរ ។ ក្រៅពីនេះ នាយក៏បានចូលរួមថតរឿងជាច្រើនទៀតផង ៕ ចេនី