វីដេអូខាងលើ ជា Brahmos ជំនាន់ទី១
រុស្ស៊ី៖ នាពេលថ្មីៗនេះ វិមានក្រឹមឡាំង បានធ្វើការអះអាងថា មីស៊ីលលឿនជាងសម្លេង ប្រឆាំងនាវាថ្មីរបស់ខ្លួន 3M22 Zircon (Brahmos-II) គឺមានល្បឿនដល់ទៅ ៩.៩០០ គីឡូម៉ែត្រក្នុងមួយម៉ោង នៅក្នុងការធ្វើតេស្តថ្មីៗនេះ។ ប្រព័ន្ធផ្សព្វផ្សាយរដ្ឋរបស់រុស្ស៊ី បាននិយាយថា ក្នុងអំឡុងនៃការធ្វើតេស្តនោះ វាត្រូវបានគេបញ្ជាក់ថា ល្បឿនរបស់មីស៊ីលបានកើន ឈានដល់ ៨ម៉ាច គឺស្មើនឹង ៩.៩០០គីឡូម៉ែត្រក្នុងមួយម៉ោង ប៉ុន្តែរុស្ស៊ី តាមសេចក្តីរាយការណ៍ គឺមិនបានបញ្ជាក់ឲ្យច្បាស់ថា មីស៊ីលនេះ ត្រូវបានបាញ់ចេញពីនាវាមុជទឹក នាវាលើផ្ទៃសមុទ្រ ឬក៏ចេញពីមូលដ្ឋានលើគោកនោះទេ ហើយក៏មិនបានបញ្ជាក់ អំពីពេលវេលាច្បាស់លាស់ដែរ។
គូរបញ្ជាក់ផងដែរថា តាមប្រភពព័ត៌មានពីគេហទំព័រឥណ្ឌា Defence News ចេញផ្សាយនៅថ្ងៃទី១៧ ខែមេសា ឆ្នាំ២០១៧ បានឲ្យដឹងថា ប្រសិនបើលទ្ធផល នៃការធ្វើតេស្តសាកល្បង មីស៊ីលលឿនជាងសម្លេងនេះ គឺជាការពិតៗមែននោះ អាវុធប្រឆាំងនាវានេះ គឺជាមីស៊ីលលឿនជាងសម្លេង ដ៏លឿនជាងគេបំផុត ដែលមាននៅលើភពផែនដី របស់យើង។
