១ – ចេក និង បង្អែមសង់ខ្យា
ទាំងពីរមុខនេះ បើដាក់ចូលគ្នាអាចបង្កផលលំបាកដល់ការរំលាយអាហារ និង ជំរុញដល់ការផលិតជាតិពុលក្នុងរាងកាយ បើធ្ងន់ធ្ងរនោះគឺអាចបណ្តាលឱ្យមានគ្រោះថ្នាក់ដល់ជីវិតសម្រាប់ទារក និង ចុះខ្សោយខាងប្រាជ្ញាស្មារតីសម្រាប់មនុស្សពេញវ័យ ។
២ – ការ៉ុត និង ក្រូច
ផ្លែឈើ និង បន្លែទាំងពីរមុខនេះ មានគុណប្រយោជន៍ខ្លាំងចំពោះសុខភាពរៀងៗខ្លួន ប៉ុន្តែបើដាក់ចូលគ្នានោះ អាចនឹងមិនល្អ ព្រោះថាវាអាចបណ្តាលឱ្យច្អល់ពោះ និង ឡើងអាស៊ីតក្រពះ ។ ករណីខ្លះទៀតនោះ គឺធ្លាក់ខូចតម្រងនោម និង បញ្ហាផ្សេងៗ ដោយសារតែញ៉ាំការ៉ុត និង ក្រូចចូលគ្នា ។
៣ – ទឹកដោះគោ និង ម្នាស់
ផ្លែម្នាស់មានប្រូមេឡាំង ដែលជាសារធាតុអាចបង្កឱ្យឈឺក្បាល ឈឺក្រពះ ចង្អោរ រាគរូស និង កើតរោគឆ្លងនានា ប្រសិនបើលាយជាមួយនឹងទឹកដោះគោ ។
៤ – ក្រូចឆ្មារ និង ល្ហុង
ការញ៉ាំផ្លែឈើតំបន់ត្រូពិកទាំងពីរមុខនេះចូលគ្នា អាចបណ្តាលឱ្យមានជំងឺខ្វះឈាម និង អសមតុល្យនៃគ្រាប់ឈាមក្រហម ដែលនេះជាកត្តាកាន់តែគ្រោះថ្នាក់សម្រាប់កុមារ ។
៥ – ចេក និង ត្របែក
ការញ៉ាំផ្លែចេក និង ត្របែកជាមួយគ្នា នឹងបណ្តាលឱ្យឡើងហ្គាសអាស៊ីដលើសកម្រិត ហើយអាចបណ្តាលឱ្យវិលមុខ ធីងធោង រកទប់លំនឹងខ្លួនក៏ពិបាក ។
៦ – ទឹកដោះគោ និង ក្រូច
ប្រសិនបើអ្នកញ៉ាំទឹកក្រូចលាយជាមួយទឹកដោះគោ និង ធញ្ញជាតិ ជារៀងរាល់ព្រឹកនោះ គួរបញ្ឈប់ភ្លាមទៅ ! ព្រោះថាល្បាយអាហារទាំងពីរនេះ នឹងបណ្តាលឱ្យរាងកាយមិនអាចរំលាយជាតិម្សៅនៃធញ្ញជាតិបាន មានន័យថា នៅពេលអាហារទាំងពីរជួបគ្នា ការរំលាយអាហារប្រព្រឹត្តទៅដោយលំបាក និង បង្កជាបញ្ហាសុខភាពច្រើនយ៉ាង ។
៧ – ផ្លែឈើ និង បន្លែ
ផ្លែឈើ និង បន្លែ ពុំគួរទទួលទានជាមួយគ្នានោះទេ ។ ផ្លែឈើមានជាតិស្ករ ពិបាកនឹងរំលាយ និង ចំណាយពេលយូរក្នុងក្រពះ ។ ស្របពេលជាមួយគ្នានេះ អាហារនេះអាចបង្កឱ្យដុះផ្សិត និង សារធាតុពុល ជាលទ្ធផលអ្នកអាចនឹងមានអាការឈឺក្បាល ពិបាករំលាយអាហារ និង បញ្ហាសុខភាពធ្ងន់ធ្ងរជាងនេះទៀតក៏មាន ៕
ប្រភព៖ http://rosemag.net/1727
