ការផ្សព្វផ្សាយព័ត៌មានមិនត្រឹមត្រូវចំពោះឱសថ​ Paracetamol ប្រភេទ​ P 500

ក្រសួងសុខាភិបាល​ សូមជម្រាបជូនសាធារណ:ជនទាំងអស់ឲ្យបានជ្រាបថា​ នាពេលថ្មីៗនេះ​ មាន ការផ្សព្វផ្សាយព័ត៌មានតាមបណ្តាញព័ត៌មានសង្គមដែលមិនត្រឹមត្រូវចំពោះឱសថ​ paracetamol ប្រភេទ​ P 500 ដែលមានរូបភាពនឹងអត្ថបទដូចមានក្នុងរូបភ្ជាប់មកជាមួយនេះ​ ដែលឱសថនេះ មិនមាន ចុះបញ្ជិកាជាមួយក្រសួងសុខាភិបាល​ទេ​ ហើយក្រោយពីស្រាវជ្រាវ ឃើញថា មិនមានឱសថប្រភេទនេះចរាចរលើទីផ្សារនោះទេ។​ នេះ​ ជាព័ត៌មានដែលប្រហែល ជាប្រឌិត ឡើងហើយ​ សូម្បីតែក្រសួងសុខាភិបាលប្រទេសម៉ាឡេស៊ី​ ក៏បានបញ្ជាក់លើភាព មិនគួរឲ្យជឿ នៃព័ត៌មានឱសថ​ P 500 ដូចបានភ្ជាប់ជូនមកជាមួយនេះផងដែរ។

ដូច្នេះ​ ដើម្បីចៀសវាងបញ្ហាសុខភាព​ សុំប្រើតែឱសថណាដែលមានចុះបញ្ជិកា ជាមួយ ក្រសួងសុខាភិបាល ដោយមានបិទលតាបត្រនិងលេខបញ្ជិកាត្រឹមត្រូវ​។
អ្នកនាំពាក្យក្រសួងសុខាភិបាលនៃព្រះរាជាណាចក្រកម្ពុជា។

 ប្រភព៖ ក្រសួងសុខាភិបាលនៃព្រះរាជាណាចក្រកម្ពុជា