លោក Mark Zuckerberg មហាសេដ្ឋីវ័យក្មេងលំដាប់ពិភពលោកបាននិយាយថា ពិភពលោកខាងក្រៅអាចផ្ដល់ចំណេះដឹង និង អ្វីដែលថ្មីៗសម្រាប់ខ្លួនច្រើនជាង ការអង្គុយរៀនតែក្នុងសាលាតែមួយមុខ។«ខ្ញុំប្រហែលជាងបានរៀនយ៉ាងច្រើនពីរបៀបសរសេរកូដ លើគម្រោងផ្សេងៗរបស់ខ្ញុំ ជាជាងការអង្គុយរៀននៅក្នុងសាលា»។ នេះជាការលើកឡើងរបស់មហាសេដ្ឋីវ័យក្មេងខាងលើ ដែលស្រង់សម្ដីដោយសារព័ត៌មានCNBC។
មានវ័យត្រឹម៣២ឆ្នាំ តែមានទ្រព្យសម្បត្តិរហូតដល់ ជាង៥៦ពាន់លានដុល្លារអាមេរិក លោកMark Zuckerberg ជាអតីតនិស្សិតនៅសាកលវិទ្យាល័យHarvard ដែលជាសាលាដ៏ល្បីលំដាប់ពិភពលោក ប៉ុន្តែលោកបានសម្រេចចិត្តបោះបង់ចោលការសិក្សា ព្រោះយល់ឃើញថា លោកនឹងទទួលបានអ្វីដែលអស្ចារ្យជាង ការអង្គុយរៀនតែនៅក្នុងសាលា។
ការគិតបែបនេះហើយ បានធ្វើឲ្យលោកបានសម្រេចចិត្តបង្កើតគម្រោងផ្ទាល់ខ្លួន ពោលគឺ បណ្ដាញសង្គមមួយដែលមានឈ្មោះថា Facebook ហើយបច្ចុប្បន្នទទួលបានការពេញលេញយមយ៉ាងខ្លាំង។ យ៉ាងណាក៏ដោយ មិនមានមនុស្សគ្រប់គ្នាសុទ្ធតែអាចធ្វើដូចលោកនោះទេ៕
ប្រភព៖ bizkhmer
