នៅក្នុងញ្ញត្តិរបស់ ប្រជាពលរដ្ឋ បានឲ្យដឹងថា ក្រុមហ៊ុន Empire Big Capital Limited ដែលមានលលោក ស៊ាន តាន់ ជាប្រធានប្រតិបត្តិការ របស់ក្រុមហ៊ុន (EBC) ដែលមានទីតាំង នៅក្រុងហុងកុង ក្រុមហ៊ុននេះ បានចុះអនុស្សារណៈយោគយល់គ្នា ជាមួយអង្គការមូលនិធិ អភិវឌ្ឍន៍អាស៊ីអាគ្នេយ៍ (AIF) ដែលមានលោក ហួត សុវណ្ណ ជាប្រធាន និងសមាគមអ្នកប្រឹក្សាយោបល់ វិនិយោគអ្នកវិនិយោគ។
ក្រុមហ៊ុន បានធ្វើប្រតិបត្តិការ ប្រមូលទុនពីប្រជាពលរដ្ឋ ជាច្រើនម៉ឺននាក់ តាមបណ្តាខេត្តនានា ក្នុងប្រទេសកម្ពុជា ចាប់ពីឆ្នាំ២០១៣ មក ដោយសន្យាថា នឹងផ្តល់ផលចំណេញ ជាភាគលាភ ១០% ក្នុងមួយខែ ហើយរយៈពេល ១៨ ខែ ក្រោយក្រុមហ៊ុន នឹងសងប្រាក់ដើមទាំងអស់ ត្រឡប់មកឲ្យអ្នកវិនិយោគវិញ។ ក្រុមហ៊ុន បានផ្សព្វផ្សាយ ជាសាធារណៈ ដោយមានធ្វើសិក្ខាសាលា និងចុះផ្សាយ តាមព័ត៌មាននានា ស្តីពីគម្រោងរបស់ខ្លួន ដើម្បីឲ្យប្រជាពលរដ្ឋ កាន់តែជឿទុកចិត្ត។
ដោយបានមើលឃើញ ផលចំណេញខ្ពស់ ប្រជាពលរដ្ឋ ក៏បានខ្ចីប្រាក់ពីធនាគារ និងចងការប្រាក់ ឯកជនផងដែរ ដើម្បីយកមកដាក់ នៅក្រុមហ៊ុននេះ តែបន្ទាប់ពីក្រុមហ៊ុន បានបិទការធ្វើបណ្តាញទីផ្សារ ដ៏ដូចជាឈប់ទទួលួទុនវិនិយោគ ក្នុងខែមិថុនា ឆ្នាំ២០១៥ កន្លមក និងលែងផ្តល់ភាគលាភ ១០% ដល់អ្នកវិនិយោគ ក្នុងខែកក្កដា ឆ្នាំ២០១៥។ រហូតមកដល់បច្ចុប្បន្ន ក្រុមហ៊ុននៅមិនទាន់បាន ផ្តល់ប្រាក់ដើមទាំងអស់ មកឲ្យអ្នកវិនិយោគវិញ នៅឡើយទេ។
ពាក់ព័ន្ធករណីនេះ លោកហួត សុវណ្ណ អង្គការមូលនិធិ អភិវឌ្ឍន៍អាស៊ីអាគ្នេយ៍ (AIF) និងជាប្រធានសមាគម អ្នកប្រឹក្សាយោបល់ វិនិយោគអ្នកវិនិយោគ បានប្តឹងពីកក្រុមហ៊ុន Empire Big Capital Limited (EBC) ពីបទឆបោក និងរំលោភលើទំនុកចិត្ត និងប្តឹងលោក ស៊ាន តាន់ ជនជាតិម៉ាឡេស៊ី ជាប្រធានក្រុមហ៊ុន Grandhill Biotech និងបានទាមទារប្រាក់ដើម ចំនួន ៥៥.០៤៤.០០០ លានដុល្លារអាមេរិក ព្រមទាំងសំណងជំងឺចិត្ត ខាតបង់ពេលវេលា និងសេវាផ្លូវច្បាប់ ចំនួន ២០ លានដុល្លារ។
តុលាការ បានចេញដីកាកោះឲ្យលោក ស៊ាន តាន់ ចូលខ្លួនឆ្លើយបំភ្លឺ តែលោក ស៊ាន តាន់ មិនបានចូលទេ ដោយគេចខ្លួនបាត់។ នៅខែមីនា ខាងមុខនេះ សាលាដំបូងរាជធានីភ្នំពេញ និងប្រកាសសាលក្រម លើសំណុំរឿងនេះ។ បន្ទាប់ពីសាលក្រមចេញរួច នឹងមានការសហការ រវាងសមត្ថកិច្ចកម្ពុជា និងសមត្ថកិច្ចម៉ាឡេស៊ី និងប៉ូលិសអន្តរជាតិ ដើម្បីអនុវត្តនីតិវិធី ចាត់វិធានការលើលោក ស៊ាន តាន់៕
