មុនគឺជាបញ្ហាដ៏រំខានមួយ ហើយមុនខ្នងកាន់តែជាបញ្ហាមួយដែលបំផ្លាញសម្រស់របស់អ្នក។ ដូច្នេះថ្ងៃនេះ Kanha នឹងផ្តល់ឲ្យអ្នកនូវវិធីសាស្ត្រ៥យ៉ាងដើម្បីការពារ និងបំបាត់មុនខ្នងជារៀងរហូត។ប្រសិនបើស្បែករបស់អ្នកងាយនឹងរងការកើតមុន ឬក៏អ្នកកំពុងតែមានបញ្ហាមុនខ្នងសូមឈប់បារម្ភទៅ ព្រោះវិធីសាស្ត្រខាងក្រោមនេះនឹងជួយអ្នកបាន។
១. ងូតទឹកឲ្យបានទៀងទាត់ ដើម្បីបញ្ឈប់បញ្ហាមុនខ្នង អ្នកត្រូវមុជទឹកអោយបានទៀងទាត់ជាពិសេសក្រោយពេលដែលអ្នកធ្វើការហើយបែកញើស ឬក៏នៅក្នុងរដូវក្តៅ។ នៅពេលដែលអ្នកបែកញើស វានឹងធ្វើអោយស្ទះរន្ធញើសជាមួយនឹងមេរោគដែលជាមូលហេតុចម្បងបណ្តាលអោយកើតមុន។
២.ជ្រើសរើសសំលៀកបំពាក់ឲ្យបានត្រឹមត្រូវ អ្នកត្រូវដឹងថាសំលៀកបំពាក់ដែលផលិតឡើងពីក្រណាត់រលោងអាចបណ្តាលអោយកើតមុនខ្នង។ ដូច្នេះហើយអ្នកមិនគួរប្រើវាទេ ហើយគួរប្រើខោអាវដែលផលិតពីក្រណាត់កប្បាសវិញ។ យ៉ាងណាមិញអ្នកនៅតែអាចប្រើប្រាស់សំលៀកបំពាក់ផលិតចេញពីក្រណាត់នេះបានដោយគ្រាន់តែអ្នកពាក់អាវក្នុងដែលផលិតពីកប្បាស ដើម្បីការពារស្បែករបស់អ្នកពីការកើតមុនខ្នងបាន។
៣.កុំឧស្សាហ៍ងូតទឹកក្តៅ ទឹកក្តៅក៏អាចបណ្តាលអោយកើតមុនខ្នងដែរ ជាពិសេសអ្នកមានស្បែកប្រតិកម្ម ដូច្នេះអ្នកមិនគួរប្រើទឹកក្តៅពេលមុជទឹកទេ គឺត្រូវមុជទឹកត្រជាក់។
៤.កុំប្រើផលិតផលថែរក្សាស្បែកដែលមានជាតិប្រេង ត្រូវប្រុងប្រយ័ត្នក្នុងការជ្រើសរើសផលិតផលថែរក្សាស្បែកប្រសិនបើស្បែករបស់អ្នកងាយរងប្រតិកម្ម និងរំខានដោយមុនខ្នង។ ជៀសវាងការប្រើផលិតផលដែលមានជាតិប្រេង ព្រោះវាអាចបង្កឲ្យមុននៅលើខ្នងកាន់តែធ្ងន់ធ្ងរ។
៥.ប្រើសាប៊ូដែលមានជាតិថ្នាំ នៅពេលដែលលាងសំអាតខ្នងរបស់អ្នក ត្រូវប្រើសាប៊ូដែលផ្ទុកសារធាតុអាស៊ីតsalicylicប្រឆាំងនឹងការកើតមុនខ្នង និងបំបាត់បញ្ហារោគស្បែក។
ប្រភព៖ Fustany
