មុនពេលដែលអ្នកសម្រេចចិត្តរៀបការ តើអ្នកមានសួរខ្លួនឯងហើយឬនៅថាអ្នកបានត្រៀមលក្ខណៈគ្រប់គ្រាន់ហើយ? បើអ្នកមិនទាន់បំពេញនូវរឿងទាំងនេះទេ អ្នកគួរតែកុំទាន់រៀបការអី ព្រោះជីវិតគ្រួសារមិនមែនងាយស្រួលនោះទេ ៖
1. បែកបាក់ស្នេហា ៖ ប្រហែលវាជារឿងមួយដែលគ្មានអ្នកណាចង់ជួប តែអ្នកត្រូវដឹងថាវាបានបង្រៀនអ្នកច្រើនណាស់ បង្រៀនអ្នកឲ្យស្គាល់មនុស្ស បង្រៀនអ្នកឲ្យស្គាល់ពីកំហុសខ្លួនឯង ហើយពេលខ្លះវាបានបង្រៀនអ្នកឲ្យកាន់តែរឹងមាំទៀតផង។
2. រៀនពីកំហុសដែលអ្នកមានក្នុងអតីតកាល ៖ ក្រឡេកមើលអតីតកាលរបស់អ្នក តើអ្នកមានបានធ្វើខុស ឬ មិនល្អត្រង់ណាទេ? តើអ្នកដែលចាត់ទុកការស្រឡាញ់របស់អ្នកណាម្នាក់ជាការលេងសើចទេ? តើអ្នកធ្លាប់ធ្វើបាបមនុស្សដែលស្រឡាញ់អ្នកទេ? បើអ្នកមាន អ្នកត្រូវតែកែប្រែ ហើយស្វែងរកហេតុផលថាហេតុអីបានជាអ្នកធ្វើបែបនេះ។
3. ស្រឡាញ់មនុស្សប្រុសច្រើនជាងម្នាក់ ៖ មានមនុស្សស្រីប៉ុន្មាននាក់ដែលអាចជួបស្នេហ៍ពិតក្នុងស្នេហាទីមួយរបស់គេ? ដូច្នេះអ្នកត្រូវបើកចិត្តដើម្បីរកមនុស្សប្រុសដ៏ល្អម្នាក់ មិនមែនងប់ងុលលើមនុស្សម្នាក់នោះទេ។
4. ក្រោកឈរក្រោយពេលជួបរឿងបរាជ័យ ៖ ពេលដែលអ្នកអាចក្រោកឈរបានវិញ ក្រោយបរាជ័យ ឬ ជួបរឿងមិនល្អណាមួយ នោះមានន័យថាអ្នករឹងមាំហើយ អ្នកអាចតស៊ូបានទោះបីជាមានរឿងអ្វីក៏ដោយ។
5. រៀនជឿជាក់លើអ្នកដទៃ ៖ ការជឿជាក់គឺសំខាន់ក្នុងទំនាក់ទំនងស្នេហា ហើយរឹតតែសំខាន់ក្នុងជីវិតគ្រួសារ បើអ្នកគ្មានទំនុកចិត្តលើអ្នកណានោះអ្នកមិនអាចរស់នៅដោយរីករាយនោះឡើយ។
6. ចំណាយពេលនៅម្នាក់ឯង ៖ ធ្លាប់រៀនរស់នៅម្នាក់ឯងហើយឬនៅ? បើមិនទាន់អ្នកគួរតែរៀនមុនពេលដែលអ្នករៀបការជាមួយអ្នកណាម្នាក់ ព្រោះពេលខ្លះគ្មានអ្នកណាអាចកំដរយើងបានរហូតនោះទេ។
7. ទទួលស្គាល់ការពិត ៖ អ្នកត្រូវចេះទទួលយកការពិត ហើយដោះស្រាយវា មិនមែនចេះតែរស់ក្នុងការយល់សប្ដិនោះទេ។ ឧទាហរណ៍ថា ក្រោយពីរៀបការទើបអ្នកដឹងថា ប្ដីរបស់អ្នកមានបំណុល តើអ្នកគួរធ្វើយ៉ាងម៉េច? ទាំងនេះជាអ្វីដែលអ្នកត្រូវរៀនមុនរៀបការ។
8. រស់នៅជាមួយមនុស្សដែលមិនមែនជាគ្រួសារអ្នក ៖ គិតមើលថាអ្នកអាចរស់នៅជាមួយគ្រួសារខាងប្ដីអ្នកបានទេ បើអ្នកមិនទាន់ទម្លាប់នោះ អ្នកត្រូវរៀនរស់នៅ រៀនសម្របខ្លួនទោះបីអ្នកទៅទីណាក៏ដោយ។
9. ចំណាយពេលជាមួយការងារអ្នក ៖ កុំរៀបការមុនពេលដែលអ្នកមានការងារ ត្រូវប្រាកដថាអ្នកអាចផ្គត់ផ្គង់ខ្លួនឯង និងកូនអ្នកបានទោះជាគ្មានប្ដីរបស់អ្នកក៏ដោយ។
10. ស្វែងយល់ពីហេតុផលដែលអ្នកចង់រៀបការ ៖ ត្រូវដឹងពីបំណងដែលអ្នកសម្រេចចិត្តរៀបការ កុំដោយសារការបង្ខំ គេចវេះពីអ្វីមួយ ឬក៏រៀបការដោយសារការចង់បានប្រយោជន៍ ពីអ្នកដទៃ។
11. រៀនអភ័យទោសឲ្យអ្នកដទៃ ៖ អ្នកត្រូវរៀនអភ័យទោសឲ្យអ្នកណាម្នាក់ ព្រោះគ្មានអ្នកណាដែលថាមិនដែលធ្វើធ្វើខុសនោះទេ ហើយជីវិតគ្រួសាររឹតតែត្រូវឲ្យអ្នកចេះអភ័យទោសជាងពេលដែលអ្នកនៅលីវទៀតផង។
12. ស្រឡាញ់មនុស្សម្នាក់នូវអ្វីដែលគេមាន ៖ អ្នកត្រូវចេះស្រឡាញ់មនុស្សម្នាក់នូវអ្វីដែលគេមាន មិនមែនស្រឡាញ់តែសំបកក្រៅដែលគេមាននោះទេ អ្នកត្រូវចេះស្រឡាញ់ទាំងចំណុចល្អ និងចំណុចអាក្រក់។
ជីវិតមិនមែនចេះតែជួបរឿងល្អរហូតនោះទេ ពេលខ្លះទាល់តែអ្នកជួបរឿងឈឺចាប់ហើយទើបអាចរកសេចក្ដីសុខបាន។
