វាពិតជាមានអារម្មណ៍ថាឈឺចាប់ខ្លាំងណាស់ ទោះជារឿងនេះមិនវាបានកើតឡើងមកលើរូបយើងក៏ដោយ តែក្នុងនាមជាកូនចៅខ្មែរដូចគ្នា ពេលឃើញគេប្រមាថពលការនីខ្មែរយើងបែបនេះ ពីសំណាក់ថៃកូរ៉េដ៏ថោបទាបនេះ ដែលបានរំលោភបំពាន សិទ្ធពលករទាំងផ្លូវកាយនិងផ្លូវចិត្ត។ វីដេអូនេះ គឺចង់បង្ហាញពីថៃកែចរិកអាក្រក់ មិនព្រមបើកបើប្រាក់ខែឱ្យពលករយើងហើយ ថែមទាំងគម្រាមធ្វើបាបទៀត រហូតហ៊ានយកស្បែកជើងមកគប់ក្បាលពលករយើងទៀត៕
ហេតុការណ៍បានកើតឡើងដោយសារថៅកែចិត្តអាក្រក់មិនព្រមបើប្រាក់ខែអោយពលករ ដោយចង់ប្រើប្រាស់កម្លាំងពលកម្មមិនចង់អោយថ្លៃឈ្នួល ទើបបងស្រីឈទទូចយំសូមអោយថៅកែពន្លឿនអោយឆាប់បើកប្រាក់អោយគាត់ តែបែជាត្រូវផ្ទុះកំហឹងទៅវិញ។
ពិតជាឈឺចាប់ខ្លាំងបំផុត សូមស្ដាប់ការរៀបរាប់ទាំងទឹកភ្នែក របស់ពលការនីខ្មែរយើង ជាមួយវីដេអូខាងក្រោមទាំងអស់គ្នា៖
ពលករខ្មែរមានភាពស្មោះត្រង់ និងជាគំរូល្អសម្រាប់ពលករបរទេស
មន្ត្រីជាន់ខ្ពស់ក្រសួងការងារ និងបណ្តុះបណ្តាលវិជ្ជាជីវៈ ឯកឧត្តម ពេជ សោភ័ណ្ឌ មានប្រសាសន៍ថា រដ្ឋាភិបាលកូរ៉េ បានចាត់ទុកពលករកម្ពុជាដែលធ្វើការនៅប្រទេសកូរ៉េ ក្នុងចំណោមពលករ ១៥ ប្រទេសផ្សេងទៀតដែលទទួលបានប្រព័ន្ធ EPS ដើម្បីធ្វើការនៅប្រទេសកូរ៉េ ថាមានភាពស្មោះត្រង់ និងជាគំរូសម្រាប់ប្រទេសទាំងនោះ។ ការបញ្ជាក់បែបនេះធ្វើឡើងក្នុង ការប្រលងតេស្ដភាសាកូរ៉េ ដើម្បីទៅធ្វើការងារនៅប្រទេសកូរ៉េ កាលពីចុងសប្តាហ៍មុន។
ឯកឧត្តម ពេជ សោភ័ណ្ឌ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បន្ថែមទៀតថា ចំនួនសិស្សដែលចូលរួមប្រលងលើកទី១២ នេះ មានចំនួនជាង ៣ ម៉ឺន ៥ ពាន់នាក់ ដែលតួលេខនេះមានចំនួនប្រហាក់ប្រហែលនឹងការប្រលងលើកមុនៗដែរ។ ឯកឧត្តមបញ្ជាក់ទៀតថា ក្នុងវគ្គនេះ សាធារណរដ្ឋកូរ៉េជ្រើសរើសយក ពលករកម្ពុជាទៅបម្រើការងារនៅនៅសាធារណរដ្ឋចំនួន ៥ ពាន់នាក់។
ចំពោះការប្រលងវិញត្រូវបានឯកឧត្តមរដ្ឋលេខាធិការបញ្ជាក់ថា គឺមានសុក្រឹតភាពស្មោះត្រង់ ដោយសារតែរាល់វិញ្ញាសានៃការប្រលង មិនមានការបោះពុម្ពនៅប្រទេសកម្ពុជានោះទេ ពោលគឺសុទ្ធតែបញ្ជូនមកពីប្រទេសកូរ៉េ ហើយភាគីកូរ៉េក៏បានបញ្ជូនមន្ត្រីរបស់ខ្លួនមកចូលរួមក្នុងការត្រួតពិនិត្យចំពោះការប្រលង ចំពោះការកែវិញ្ញាសានោះទៀតសោត ក៏ភាគីកូរ៉េជាអ្នកទទួលរ៉ាបរងកែវិញ្ញាសានោះផងដែរ។
ជាមួយគ្នានោះដែរលោកឯកអគ្គរដ្ឋទូតកូរ៉េប្រចាំនៅកម្ពុជាលោក Kim Weon Jin មានប្រសាសន៍ ថា ពលករដែលបានទៅធ្វើការងារនៅប្រទេសកូរ៉េមានច្រើនប្រទេស តែក្នុងចំណោមពលករទាំងនោះពលករកម្ពុជាមានប្រជាប្រិយភាពខ្ពស់ជាងគេ បើប្រៀបធៀបនឹងបណ្តាប្រទេសទាំងនោះ។ ចំពោះប្រជាប្រិយភាពខ្ពស់ត្រូវបានលោកឯកអគ្គរដ្ឋទូតបញ្ជាក់ថា ដោយសារតែពលករកម្ពុជាមានភាពស្មោះត្រង់ និងខំប្រឹងប្រែងធ្វើការងារដោយយកចិត្តទុកដាក់ ដែលទាំងអស់នេះត្រូវបានថៅកែនៅប្រទេសកូរ៉េពោលសសើរពលករកម្ពុជា និងពេញចិត្តគ្រប់ៗគ្នា។
សូមបញ្ជាក់ថា ប្រទេសកូរ៉េបានទទួលពលករកម្ពុជាឲ្យទៅបម្រើការងារនៅប្រទេសរបស់ខ្លួន តាមប្រព័ន្ធ EPS របស់សាធារណរដ្ឋកូរ៉េ ហើយបច្ចុប្បន្នពលករកម្ពុជាដែលបានកំពុងបម្រើការងារនៅសាធារណរដ្ឋកូរ៉េមានចំនួន ជិត ៤ ម៉ឺននាក់ ដែលក្នុងមួយឆ្នាំអាចនាំថវិកាចូលជាតិប្រមាណជិត ១ ពាន់លានដុល្លារក្នុងមួយឆ្នាំ៕
ប្រភព៖http://nowkh.com/article/1763
ប្រភព៖ជីវិតលើទឹកដី កូរ៉េ Life In Korea
