ហើយកត្តាចម្បងដែលបណ្តោលឲ្យកើតជំងឺនេះ គឺការទទួលទានរបបអាហារសម្បូរជាតិគីមី
និងការរស់នៅក្នុងបរិស្ថានមិនល្អ។
ប៉ុន្តែបើយោងតាមគេហទំព័រ soha បានបង្ហាញថា អ្នកអាចសង្គ្រោះជីវិតឲ្យរួចផុតពីជំងឺមហារីកបាន
ប្រសិនបើអ្នកដឹងពីរោគសញ្ញាដំបូងរបស់វា។ ខាងក្រោមនេះ គឺជារោគសញ្ញា៨ចំណុច តែអ្នក កុំ មើលងាយឲ្យសោះ:
*១.ស្រកទម្ងន់មិនដឹងមូលហេតុ*
ប្រសិនបើអ្នកស្រកទម្ងន់យ៉ាងឆាប់រហ័ស ដោយគ្មានមូលហេតុបើទោះជាអ្នកខំទទួល ទាន អាហារ បានគ្រប់គ្រាន់និងគេងបានច្រើនម៉ោងក៏ដោយ អាចជារោគសញ្ញានៃជំងឺមហារីកសុដន់ សួត ថ្លើម និងពោះវៀនធំ។
*២.ឧស្សាហ៍គ្រុនក្តៅ*
អាការគ្រុនក្តៅ អាចកើតមាននៅពេលដែលមនុស្សឆ្លងមេរោគផ្តាសាយឬរលាកកន្លែង ណាមួយ នៃរាងកាយ។
ប៉ុន្តែប្រសិនបើអាការបែបនេះ កើតមានចំពោះអ្នកក្នុងរយ:ពេលយូរមិនព្រមបាត់សោះវាក៏អាចជា សញ្ញានៃជំងឺមហារីកគ្រាប់ឈាមផងដែរ។
*៣.ងងុយគេង អស់កម្លាំងល្ហិតល្ហៃ*
ទោះបីជាអ្នកបានគេងគ្រប់គ្រាន់ និងមិនបានធ្វើការងារធ្ងន់ឲ្យអស់កម្លាំងក៏ដោយប៉ុន្តែ អ្នកអារម្មណ៍ ថាងងុយគេង អស់កម្លាំងល្ហិតល្ហៃ នេះជាសញ្ញាទូទៅនៃជំងឺមហារីក។
*
៤.ឧស្សាហ៍ដកដង្ហើមខ្លីៗ*
អាការដកដង្ហើមខ្លីៗ រួមជាមួយការឈឺទ្រូង ក្អកធ្លាក់ឈាម គឺជារោគសញ្ញានៃជំងឺមហារីកសួត។ តែប្រសិនបើអាការបែបនេះកើតមានចំពោះអ្នកច្រើនជាង៦សប្តាហ៍នោះអ្នកអាច ប្រឈមមុខ នឹងជំងឺមហារីកគ្រាប់ឈាម ឬក៏ជំងឺមហារីកបំពង់រំលាយអាហារ។
*៥.ឧស្សាហ៍ហើមពោះ *
អ្នកដែលឧស្សាហ៍ហើមពោះ ដោយគ្មានមូលហេតុ គឺអាចប្រឈមមុខនិងជំងឺមហារីកក្រពេញអូវែ។
*៦.ឧស្សាហ៍ពិបាកលេបចំណីអាហារ*
អាការឈឺបំពងក អាចកើតមាននៅពេលដែលអ្នកឈឺបំពង់ក ប៉ុន្តែប្រសិនបើអាការបែបនេះ
កើតមានក្នុងរយ:ពេលយូរមិនព្រមបាត់សោះ អ្នកក៏អាចប្រឈមនិងជំងឺមហារីកបំពង់ក
មហារីកប្រព័ន្ធរំលាយអាហារ និងមហារីកសួតដែរ។
*
៧.កើតលឿង*
ជំងឺខាន់លឿង ឬគេនិយមហៅថា កើតលឿង អាចបង្កឲ្យស្បែក និងភ្នែករបស់អ្នកជំងឺ ប្រែពណ៌ ទៅជាលឿង។អាការបែបនេះ ជារោគសញ្ញាទូទៅ នៃជំងឺមហារីកថ្លើម មហារីកលំពែង និងមហារីកបំពង់ទឹកប្រមាត់។
*៨.ហូរឈាមខុសប្រក្រតី*
ការហូរឈាមតាមទឹកនោម គឺជាសញ្ញានៃការឆ្លងមេរោគក្នុងប្រព័ន្ធទឹកនោម ហើយវាក៏ជា រោគសញ្ញានៃជំងឺមហារីកប្លោកនោម ឬជំងឺមហារីកតម្រងនោមផងដែរ។
ស្រដៀងគ្នានេះដែរ ការហូរឈាមតាមលាមក ក៏អាចជារោគសញ្ញានៃជំងឺមហារីកពោះវៀនធំ
ហើយអាការក្អួតលាយឈាម អាចជារោគសញ្ញានៃជំងឺមហារីកសួត៕
ប្រភព៖ postnews
