តួលេខនៃ អ្នកជំងឺនៅកម្ពុជាទទួលការព្យាបាល នៅមន្ទីរពេទ្យគន្ធបុប្ផាក្នុងខែមីនាឆ្នាំ២០១៧

តួលេខនៃ អ្នកជំងឺដែលទទួលបានការពិនិត្យព្យាបាល នៅមន្ទីរពេទ្យគន្ធបុប្ផាក្នុងខែមីនាឆ្នាំ២០១៧ បានបង្ហាញនៅក្នុងគណនីហ្វេសប៊ុក របស់លោកវេជ្ជបណ្ឌិត បេអាត រិចឆ្នឺរ ដែលជាស្ថាបនិកមន្ទីរពេទ្យគន្ធបុប្ផា។ ទិន្នន័យទាំងនោះបានបង្ហាញដូចខាងក្រោម៖

-មានកុមារឈឺចំនួន ២០ ៦៦២នាក់ ត្រូវបាននាំមកពិនិត្យព្យាបាល នៅក្នុងផ្នែកពិគ្រោះជំងឺក្រៅ
-កុមារមានជំងឺធ្ងន់ៗ ចំនួន ៥ ៣១១នាក់ ត្រូវបានដាក់ឲ្យសម្រាកព្យាបាលនៅក្នុងមន្ទីរពេទ្យ
-កុមារចំនួន ៩៤នាក់ មានជំងឺរលាកខួរក្បាលធ្ងន់ធ្ងរ
-មានការវះកាត់ចំនួន ៨៥៣ករណី
-វះកាត់បេះដូងបានចំនួន ២៦នាក់

នៅផ្នែកសម្ភពនៃមន្ទីរពេទ្យជ័យវរ្ម័នទី៧
-ស្ត្រីមានផ្ទៃពោះ ចំនួន ១១ ៦៥៦នាក់ បានមកពិនិត្យតាមដានផ្ទៃពោះ និងព្យាបាល នៅក្នុងផ្នែកពិគ្រោះជំងឺក្រៅនៃមន្ទីរសម្ភព។ សម្រាលកូនបានចំនួន ១ ៨១៨នាក់។

មន្ទីរពេទ្យគន្ធបុប្ផាភ្នំពេញ
-មានកុមារឈឺចំនួន ៤០ ៧៨៥នាក់ ត្រូវបាននាំមកពិនិត្យព្យាបាល នៅក្នុងផ្នែកពិគ្រោះជំងឺក្រៅ
-កុមារមានជំងឺធ្ងន់ៗ ចំនួន ៦ ២៩៥នាក់ ត្រូវបានដាក់ឲ្យសម្រាកព្យាបាលនៅក្នុងមន្ទីរពេទ្យ
-កុមារចំនួន ៥៨នាក់ មានជំងឺរលាកខួរក្បាលធ្ងន់ធ្ងរ
-មានការវះកាត់ចំនួន ១ ០៣៦ករណី

-គ្រួសារអ្នកជំងឺភាគច្រើន មានជីវភាពទីទ័លក្រ ខ្លះក្រីក្រមែនទែន។ ហេតុនេះ រាល់ការព្យាបាលទាំងអស់ គឺមិនគិតថ្លៃ សម្រាប់គ្រប់ៗគ្នា។
-កុមារដែលមានជំងឺធ្ងន់ៗបំផុត នឹងពុំមានសំណាងល្អទេ បើពុំបានសម្រាកព្យាបាលនៅមន្ទីរពេទ្យ
-ពុំមានបុគ្គលិកណាម្នាក់ ទារប្រាក់ពីគ្រួសារអ្នកជំងឺឡើយ
-ពុំមានបុគ្គលិកណាម្នាក់ ឆ្លៀតធ្វើការក្រៅម៉ោង នៅគ្លីនិកឯកជនឡើយ៕