សមត្ថកិច្ច បានឲ្យដឹងថា ជនរងគ្រោះ ឈ្មោះ ស៊ន ចាន់ទី អាយុ ២៣ឆ្នាំ មុខរបរ កម្មកររោងចក្រ ស្នាក់នៅ ភូមិចាក់ជ្រូក សង្កាត់សំរោងក្រោម ។ ចំពោះ សំភារៈបាត់បង់ លុយដុល្លារ ជាង ៤០០ដុល្លារ ខ្សែក ទិញជាង ៦០០ដុល្លារ និងមានសង្សារ ឈ្មោះ ផន ភឿក អាយុ ២៧ឆ្នាំ មុខរបរធ្វើការ នៅកន្លែងហ្គេម ស្នាក់នៅ បន្ទប់ជួល ម្តុំផ្សារដេប៉ូ ហើយករណីនេះ សមត្ថកិច្ច បានសន្និដ្ឋានថា អាចជារឿងគំនុំ។
សាក្សីបានឲ្យដឹងថា នៅមុនពេលកើតហេតុ ជនរងគ្រោះ ចេញពីធ្វើការ ដូចសព្វដង រួចបានជិះកង់ ដើម្បីទៅរៀនអ៊ុតសក់ ខណៈមកដល់ ម្តុំទឹកត្នោតជូរ វិហារចាម ក៏មាន ជនសង្ស័យម្នាក់ រត់មកឆក់ កាបូបស្ពាយ របស់ជនរងគ្រោះ រួចបានជះ ទឹកអាស៊ីត ទៅលើមុខ ជនរងគ្រោះ បណ្តាលឲ្យ រងរបួសតែម្តង ភ្លាមៗក៏មាន ប្រជាពលរដ្ឋមកជួយ ហើយជនរងគ្រោះ បានទូរស័ព្ទ ហៅសង្សារ ពីកន្លែងធ្វើការ នៅភូមិប៉ប្រក់ ខាងត្បូង សង្កាត់កាកាប មកជួយនិងនាំ ទៅកាន់មន្ទីរពេទ្យ៕
ប្រភព៖ Pageth.info
