អ្នកស្រីម្នាក់ឈ្មោះ ឆន សារិន អាយុ៣៤ឆ្នាំ មានមុខរបរជាអ្នកដាំដំណាំវិលជុំជាច្រើនប្រភេទរស់នៅភូមិចំការសំរោង២ សង្កាត់ចំការសំរោង ក្រុង/ខេត្តបាត់ដំបង បានឲ្យដឹងថា ក្រុមគ្រួសារបស់គាត់ និងអ្នកក្នុងភូមិទាំងមូល បច្ចុប្បន្នមានដីចំការប្រមាណជាង២រ៉ៃ ពីមួយថ្ងៃទៅមួយថ្ងៃមានមុខរបរជាអ្នកធ្វើដំណាំដូចជាស្ពៃគ្រប់ប្រភេទនិងជីមួយចំនួនផងដែរ ។
អ្នកស្រី សារិន បានបន្តថា ចំពោះស្ពៃខាត់ណា គាត់ដែលគាត់កាត់នេះត្រូវបានមូយគេបានកុម្មង់ឲ្យកាត់ទៅតាមតម្រូវការរបស់ឈ្មួញត្រឹម១រយកីឡូក្រាម ឬជាង១រយកីឡូក្រាមតែប៉ុណ្ណោះសម្រាប់ការកាត់ម្តងៗ រីឯតម្លៃវិញមិនទៀងទាត់នោះទេ បើប៉ុន្មានថ្ងៃមុនលក់បានត្រឹមតែ៥-៦រយរៀលតែប៉ុណ្ណោះក្នុងមួយកីឡូក្រាមទើបតែប៉ុន្មានថ្ងៃនេះលក់បាន១ពាន់រៀលក្នុងមួយកីឡូក្រាម ។
អ្នកស្រីបន្តថា បើតម្លៃតែរបៀបនេះតើប្រជាកសិករខ្មែរអាចរស់បានឬទេ? ណាមួយក្នុងការធ្វើចំការស្ពៃគ្រប់ប្រភេទរួមទាំងជីផងនោះនេះពួកគាត់ត្រូវជំពាក់បំណុលធនាគារទៀត អ្នកស្រីសុំអំពាវនាវដល់មន្ទីរជំនាញ សូមមេត្តាជួយរកទីផ្សាដល់កសិផលខ្មែរផង បើពុំនោះទេ ប្រជាពលរដ្ឋខ្មែរប្រាដកត្រូវចំណាកស្រុកជាក់ពុំខាននោះឡើយ ៕
